Mosquito Bite : കൊതുകുകള് നിങ്ങളെ തെരഞ്ഞെടുത്ത് ആക്രമിക്കുന്നുവോ?
Synopsis
ബെയ്ജിംഗിലെ സിങ്വ യൂണിവേഴ്സിറ്റിയില് നിന്നുള്ള ഗവേഷകരും ഷെന്സനിലെ ഇന്സ്റ്റിറ്റ്യൂട്ട് ഓഫ് ഇന്ഫെക്ഷ്യസ് ഡിസീസില് നിന്നുള്ള ഗവേഷകരുമാണ് ഈ പഠനത്തിന് പിന്നില്. സിക- ഡെങ്കു വൈറസുകളെ കുറിച്ച് കേട്ടിട്ടില്ലേ? കൊതുകുകള് ആണ് ഈ രോഗകാരികളുടെ വാഹകര്.
എത്ര പേരുള്ള സംഘത്തിലാണെങ്കിലും ചിലരെ മാത്രം കൊതുകുകള് തെരഞ്ഞെടുത്ത് ( Mosquito Bites ) ആക്രമിക്കാറുള്ളത് ശ്രദ്ധയില് പെട്ടിട്ടുണ്ടോ? ഇത്തരത്തില് പരാതി പറയുന്നവരും ഏറെയാണ്. ഇതുമായി ചേര്ത്തുവായിക്കാവുന്നൊരു പഠനറിപ്പോര്ട്ടിനെ കുറിച്ചാണിനി പങ്കുവയ്ക്കുന്നത്.
ബെയ്ജിംഗിലെ സിങ്വ യൂണിവേഴ്സിറ്റിയില് നിന്നുള്ള ഗവേഷകരും ഷെന്സനിലെ ഇന്സ്റ്റിറ്റ്യൂട്ട് ഓഫ് ഇന്ഫെക്ഷ്യസ് ഡിസീസില് നിന്നുള്ള ഗവേഷകരുമാണ് ഈ പഠനത്തിന് പിന്നില്. സിക- ഡെങ്കു വൈറസുകളെ ( Dengue zika viruses ) കുറിച്ച് കേട്ടിട്ടില്ലേ? കൊതുകുകള് ആണ് ഈ രോഗകാരികളുടെ വാഹകര്.
ഈ വൈറസുകള് ആളുകളുടെ ശരീരത്തിലെത്തുമ്പോള് ചില മാറ്റങ്ങള് സൃഷ്ടിക്കുമത്രേ. അതായത്, സിക- ഡെങ്കു വൈറസുകള് ചര്മ്മത്തില് ഒരു സവിശേഷമായ ഗന്ധം സൃഷ്ടിക്കുമത്രേ. ഇതിലൂടെ മറ്റ് കൊതുകുകള് കൂടി ഇവരിലേക്ക് ( Mosquito Bites ) ആകൃഷ്ടരാകുമത്രേ.
ചര്മ്മത്തിലെ സൂക്ഷ്മാണുക്കളില് മാറ്റം വരുത്തിക്കൊണ്ട് ഒരു 'അസറ്റോഫിനോണ്' എന്ന തന്മാത്രകളാണ് ഇവര് നിര്മ്മിക്കുന്നത്. ഇതാണ് മറ്റ് കൊതുകുകളെ കൂടി ആകര്ഷിക്കുന്ന രീതിയില് ഗന്ധമുണ്ടാക്കുന്നതെന്ന് പഠനം പറയുന്നു.
എലികളിലാണ് ഗവേഷകര് പഠനം നടത്തിയത്. പിന്നീടിത് മനുഷ്യരിലും പരിശോധിക്കുകയായിരുന്നു. സിക- ഡെങ്കു അണുബാധയേറ്റ ( Dengue zika viruses ) മനുഷ്യരുടെ ചരര്മ്മത്തിലും ഗവേഷകര് 'അസറ്റോഫിനോണ്' കണ്ടെത്തി. ഇത്തരത്തില് രോഗബാധയുള്ളവരില് വീണ്ടും കൊതുകുകള് ആക്രമണം രൂക്ഷമാക്കുമ്പോള് അണുബാധ മൂര്ച്ഛിക്കാനോ, കൂടുതല് വേഗതയില് രോഗവ്യാപനം നടക്കാനോ എല്ലാം സാധ്യതകളേറെയെന്നും ഗവേഷകര് പറയുന്നു.
Also Read:- കൊതുക് കടിക്കുന്നതിന് പിന്നില് നിറങ്ങള്ക്കും സ്ഥാനമുണ്ട്...
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam