കോളേജ് വിദ്യാർത്ഥികൾക്കിടയിൽ വിഷാദവും ഉത്കണ്ഠയും വർദ്ധിച്ച് വരുന്നു; പഠനം

ഉത്കണ്ഠ അക്കാദമിക് പ്രകടനത്തെ പ്രതികൂലമായി ബാധിച്ചുവെന്ന് 83 ശതമാനം വിദ്യാർത്ഥികളും അഭിപ്രായപ്പെട്ടിട്ടുണ്ടെന്ന് പഠനത്തിന് നേതൃത്വം നൽകിയ ​ഗവേഷകയായ സാറാ കെച്ചൻ ലിപ്‌സൺ പറഞ്ഞു.

കോളേജ് വിദ്യാർത്ഥികൾക്കിടയിൽ വിഷാദവും ഉത്കണ്ഠയും വർദ്ധിച്ച് വരുന്നതായി പഠനം. ബോസ്റ്റൺ സർവകലാശാലയിലെ ഗവേഷകർ 33,000 കോളേജ് വിദ്യാർത്ഥികളിൽ നടത്തിയ പഠനത്തിലാണ് ഈ കണ്ടെത്തൽ. 

കൊറോണ വൈറസിന്റെ വ്യാപനം, വ്യവസ്ഥാപരമായ വംശീയത, അസമത്വം തുടങ്ങിയ കാരണങ്ങളാണ് വിദ്യാർത്ഥികൾക്കിടയിൽ വിഷാദരോഗത്തിന്റെ തോത് വർദ്ധിക്കുന്നതിന് കാരണമാകുന്നതെന്ന് പഠനത്തിൽ ചൂണ്ടിക്കാട്ടുന്നു. 

ഉത്കണ്ഠ അക്കാദമിക് പ്രകടനത്തെ പ്രതികൂലമായി ബാധിച്ചുവെന്ന് 83 ശതമാനം വിദ്യാർത്ഥികളും അഭിപ്രായപ്പെട്ടിട്ടുണ്ടെന്ന് പഠനത്തിന് നേതൃത്വം നൽകിയ ​ഗവേഷകയായ സാറാ കെച്ചൻ ലിപ്‌സൺ പറഞ്ഞു. മൂന്നിൽ രണ്ട് കോളേജ് വിദ്യാർത്ഥികളും ഒറ്റപ്പെടലും വിഷാദവും അനുഭവിക്കുന്നതായി പഠനത്തിൽ പറയുന്നു. 

അമിതമായി സോഷ്യൽ മീഡിയയെ ആശ്രയിക്കുന്നത് ഓരോരുത്തരിലും ഉത്കണ്ഠ, വിഷാദം തുടങ്ങിയ രോഗാവസ്ഥകൾ ഉണ്ടാകുന്നതിലേക്ക് നയിക്കുമെന്നും സാറാ കെച്ചൻ പറയുന്നു.