ആഴ്ചയിൽ നാല് തവണയെങ്കിലും മുളക് കഴിക്കുന്നവർക്ക് ഹൃദയാഘാതം മൂലമുള്ള മരണ സാധ്യത 40% കുറവാണെന്നും പക്ഷാഘാതം മൂലം മരണം ഉണ്ടാകാനുള്ള സാധ്യത 50% കുറവാണെന്നും പഠനത്തിൽ പറയുന്നു.
മുളക് കഴിക്കുന്നത് ഹൃദയാഘാതം,പക്ഷാഘാതം എന്നിവയിൽ നിന്നുള്ള മരണ സാധ്യത കുറയ്ക്കുമെന്ന് പഠനം. എട്ട് വർഷമായി ഇറ്റലിയിൽ നടന്ന പഠനത്തിലാണ് ഈ കണ്ടെത്തൽ. ആഴ്ചയിൽ നാല് തവണയെങ്കിലും മുളക് കഴിക്കുന്നവർക്ക് ഹൃദയാഘാതം മൂലമുള്ള മരണ സാധ്യത 40% കുറവാണെന്നും പക്ഷാഘാതം മൂലം മരണം ഉണ്ടാകാനുള്ള സാധ്യത 50% കുറവാണെന്നും പഠനത്തിൽ പറയുന്നു.
അമേരിക്കൻ കോളേജ് ഓഫ് കാർഡിയോളജി ജേണലിൽ പഠനം പ്രസിദ്ധീകരിച്ചു. ശരിയായി രീതിയിലുള്ള ഭക്ഷണക്രമം പിന്തുടർന്നാൽ ആരോഗ്യത്തോടെയിരിക്കാം. മരണസാധ്യത കൂട്ടുന്നതിന് പിന്നിൽ തെറ്റായ ഭക്ഷണരീതിയാണെന്ന് മെഡിറ്ററേനിയൻ ന്യൂറോളജിക്കൽ ഇൻസ്റ്റിറ്റ്യൂട്ടിലെ എപ്പിഡെമിയോളജിസ്റ്റ് മരിയലൗറ ബൊനാഷ്യോ പറഞ്ഞു.
ആരോഗ്യകരമായ മെഡിറ്ററേനിയൻ ഡയറ്റ് പിന്തുടരുന്നത് പക്ഷാഘാതം, ഹൃദ്രോഹം പോലുള്ള അസുഖങ്ങളിൽ നിന്ന് രക്ഷനേടാനാകുമെന്നും മരിയലൗറ പറഞ്ഞു. തെക്കൻ ഇറ്റലിയിലെ മോളിസ് മേഖലയിൽ 25,000 ത്തോളം പേരിലാണ് പഠനം നടത്തിയത്.