ജീവിതശൈലിയിൽ മാറ്റങ്ങൾ വരുത്തുന്നതും ആരോഗ്യകരമായ ഭക്ഷണക്രമം ശീലമാക്കുന്നതും നോൺ-ആൽക്കഹോളിക് ഫാറ്റി ലിവർ രോഗം ഒരു പരിധി വരെ തടയുന്നതിന് സഹായിക്കുന്നു.
ഇന്ന് പലരേയും അലട്ടുന്ന ആരോഗ്യപ്രശ്നമാണ് ഫാറ്റി ലിവർ. കൂടുതൽ പേരിലും കാണുന്നത്
നോൺ-ആൽക്കഹോളിക് ഫാറ്റി ലിവർ ഡിസീസ് (NAFLD) ആണ്. കരളിൽ കൊഴുപ്പ് അടിഞ്ഞുകൂടുന്ന അഴസ്ഥയാണ് ഇത്. എന്നിരുന്നാലും, മറ്റ് തരത്തിലുള്ള കരൾ രോഗങ്ങളിൽ നിന്ന് വ്യത്യസ്തമായി NAFLD അവയവങ്ങൾക്ക് കേടുപാടുകൾ വരുത്തുന്നില്ല. അതിനാൽ കൂടുതൽ ഗുരുതരമാകുന്നതിന് മുമ്പ് ചികിത്സിക്കേണ്ടത് പ്രധാനമാണ്.
ജീവിതശൈലിയിൽ മാറ്റങ്ങൾ വരുത്തുന്നതും ആരോഗ്യകരമായ ഭക്ഷണക്രമം ശീലമാക്കുന്നത് നോൺ-ആൽക്കഹോളിക് ഫാറ്റി ലിവർ രോഗം ഒരു പരിധി വരെ തടയുന്നതിന് സഹായിക്കുന്നു. നോൺ-ആൽക്കഹോളിക് ഫാറ്റി ലിവർ രോഗം പിടിപെടാതിരിക്കാൻ ജീവിതശെെലിയിൽ ശ്രദ്ധിക്കേണ്ടത് എന്തൊക്കെ?
ഒന്ന്...
ശരീരഭാരത്തിന്റെ അഞ്ച് ശതമാനം കുറഞ്ഞാലും കരളിലെ കൊഴുപ്പിന്റെ അളവ് കുറയും. ശരീരഭാരത്തിന്റെ 7 മുതൽ 10% വരെ കുറയ്ക്കുന്നതിലൂടെ വീക്കം കുറയ്ക്കാനും കരൾ കോശങ്ങൾക്ക് ദോഷം ചെയ്യാനുള്ള സാധ്യത കുറയ്ക്കാനും കഴിയും. വേഗത്തിൽ ശരീരഭാരം കുറയുന്നത് വിവിധ രോഗങ്ങൾക്ക് കാരണമാകും.
രണ്ട്...
ഫാറ്റി ലിവറിന് കാരണമാകുന്ന രണ്ടാമത്തെ പ്രധാന ഘടകം അമിതമായ മദ്യപാനമാണ്. മദ്യം കരൾ കോശങ്ങളെ ദോഷകരമായി ബാധിക്കുകയും വീക്കത്തിലേക്ക് നയിക്കുകയും ചെയ്യും. മദ്യപാനം മറ്റ് വിവിധ രോഗങ്ങൾക്കും കാരണമാകും.
മൂന്ന്...
ദിവസവും കുടിക്കുന്ന ഒരു കപ്പ് കാപ്പി കരളിനെ NAFLD ൽ നിന്ന് സംരക്ഷിക്കാൻ സഹായിച്ചേക്കാം. പഠനങ്ങൾ അനുസരിച്ച്, പതിവായി കാപ്പി കുടിക്കുന്നത് NAFLD ലഭിക്കാനുള്ള കുറഞ്ഞ സാധ്യതയുമായി ബന്ധപ്പെട്ടിരിക്കുന്നു.
നാല്...
കരളിൽ കാണപ്പെടുന്ന കൊഴുപ്പിന്റെ അളവ് യഥാർത്ഥത്തിൽ എയ്റോബിക് പ്രവർത്തനത്തിലൂടെ കുറയ്ക്കാം. ശക്തമായ വ്യായാമവും വീക്കം കുറയ്ക്കാൻ സഹായിക്കും. പതിവായുള്ള വ്യായാമം ഫാറ്റി ലിവർ മാത്രമല്ല മറ്റ് പല ആരോഗ്യപ്രശ്നങ്ങൾ ഉണ്ടാകുന്നത് തടയുന്നു.
അഞ്ച്...
മഞ്ഞളിൽ അടങ്ങിയിരിക്കുന്ന കുർക്കുമിൻ എന്ന സംയുക്തം കരൾ രോഗത്തിൽ നിന്ന് സംരക്ഷിക്കും. ഫാറ്റി ലിവർ രോഗമുള്ളവരിൽ അസാധാരണമാംവിധം ഉയർന്ന രണ്ട് എൻസൈമുകൾ, അലനൈൻ അമിനോട്രാൻസ്ഫെറേസ് (എഎൽടി), അസ്പാർട്ടേറ്റ് അമിനോട്രാൻസ്ഫെറേസ് (എഎസ്ടി) എന്നിവ കുറയ്ക്കാനാകും മഞ്ഞൾ സഹായകമാണ്.
ആറ്...
ചീരയിലും മറ്റ് ഇലക്കറികളിലും ഫാറ്റി ലിവർ രോഗത്തിനെതിരെ പ്രവർത്തിക്കുന്ന പദാർത്ഥങ്ങൾ അടങ്ങിയിരിക്കുന്നു. ഒരു പഠനമനുസരിച്ച്, ചീര കഴിക്കുന്നത് പ്രത്യേകമായി NAFLD ന്റെ ആവൃത്തി കുറയ്ക്കുന്നു.
ഏഴ്...
നട്ട്സ് കഴിക്കുന്നത് ഓക്സിഡേറ്റീവ് സ്ട്രെസ്, ഇൻസുലിൻ പ്രതിരോധം, വീക്കം എന്നിവയുമായി ബന്ധപ്പെട്ടിരിക്കുന്നു. വാൾനട്ട് ഉപഭോഗം ഫാറ്റി ലിവർ രോഗമുള്ള വ്യക്തികളിൽ മെച്ചപ്പെട്ട കരൾ പ്രവർത്തനങ്ങളുമായി ബന്ധപ്പെട്ടിരിക്കുന്നു.
എട്ട്...
കരളിന്റെ ആരോഗ്യം നിലനിർത്തുമ്പോൾ ട്രൈഗ്ലിസറൈഡുകളുടെയും കൊളസ്ട്രോളിന്റെയും (രക്തത്തിലെ കൊഴുപ്പുകൾ) ഉചിതമായ അളവിൽ നിലനിർത്താൻ കഴിയും. സമീകൃതവും സസ്യാധിഷ്ഠിതവുമായ ഭക്ഷണം കഴിക്കുക, ഇടയ്ക്കിടെ വ്യായാമം ചെയ്യുക, നിങ്ങളുടെ ഡോക്ടറുടെ നിർദ്ദേശപ്രകാരം മരുന്നുകൾ കഴിക്കുക. ഇത് ട്രൈഗ്ലിസറൈഡുകളുടെയും കൊളസ്ട്രോളിന്റെയും അളവ് കുറച്ചേക്കാം.
ചീത്ത കൊളസ്ട്രോളിന്റെ അളവ് കുറയ്ക്കാൻ ഈ പഴം സഹായിക്കും