ഫാറ്റി ലിവർ രോഗം ഉണ്ടെങ്കിൽ സൂക്ഷിക്കുക, കാരണം ഇതാണ്

ആരോഗ്യ വിദഗ്ധരുടെ അഭിപ്രായത്തിൽ ലിവർ സിറോസിസ് ബാധിച്ച 50 ശതമാനം ആളുകളും ഒടുവിൽ ഹെപ്പാറ്റിക് എൻസെഫലോപ്പതിയുടെ ലക്ഷണങ്ങൾ വികസിപ്പിക്കുന്നു. ഫാറ്റി ലിവർ രോഗമുള്ള മറ്റു പലരും ചികിത്സിക്കാതെയും അവഗണിക്കപ്പെടാതെയും തുടരുന്നു.   

നിങ്ങൾക്ക് ഫാറ്റി ലിവർ രോഗമോ അല്ലെങ്കിൽ കരളുമായി ബന്ധപ്പെട്ട മറ്റ് വിവിധ രോ​​ഗങ്ങളുണ്ടോ? ഉണ്ടെങ്കിൽ ഹെപ്പാറ്റിക് എൻസെഫലോപ്പതി (hepatic encephalopathy) അല്ലെങ്കിൽ എച്ച്ഇ എന്നറിയപ്പെടുന്ന തലച്ചോറിന്റെ പ്രവർത്തനം നഷ്ടപ്പെടാനുള്ള സാധ്യതയുണ്ടെന്ന് വി​ദ​ഗ്ധർ പറയുന്നു. 

മയോ ക്ലിനിക്ക് പറയുന്നതനുസരിച്ച് കരൾ വിഷവസ്തുക്കൾ തലച്ചോറിലേക്ക് സഞ്ചരിക്കുകയും തലച്ചോറിന്റെ പ്രവർത്തനത്തെ ബാധിക്കുകയും ചെയ്യുമ്പോൾ ഉണ്ടാകുന്ന ഒരു നാഡീവ്യവസ്ഥയുടെ തകരാറാണ് എച്ച്ഇ എന്നത്. ഹെപ്പാറ്റിക് എൻസെഫലോപ്പതിയുള്ള ആളുകൾക്ക് വിട്ടുമാറാത്തതും കഠിനവുമായ ആശയക്കുഴപ്പവും വൈജ്ഞാനിക വൈകല്യവും അനുഭവപ്പെടുന്നു. കരൾ രോഗം പുരോഗമിക്കുമ്പോൾ അവസ്ഥ വഷളാകുകയും ചികിത്സിക്കാൻ കഴിയാതെ വരികയും ചെയ്യും. നിങ്ങളുടെ കരൾ തകരാറിലായാൽ മസ്തിഷ്കത്തിന്റെ പ്രവർത്തനത്തെ വഷളാക്കുന്നു. 

ആരോഗ്യ വിദഗ്ധരുടെ അഭിപ്രായത്തിൽ ലിവർ സിറോസിസ് ബാധിച്ച 50 ശതമാനം ആളുകളും ഒടുവിൽ ഹെപ്പാറ്റിക് എൻസെഫലോപ്പതിയുടെ ലക്ഷണങ്ങൾ വികസിപ്പിക്കുന്നു. ഫാറ്റി ലിവർ രോഗമുള്ള മറ്റു പലരും ചികിത്സിക്കാതെയും അവഗണിക്കപ്പെടാതെയും തുടരുന്നു. 

ഹെപ്പാറ്റിക് എൻസെഫലോപ്പതിയുടെ തരങ്ങൾ...

ടൈപ്പ് എ അല്ലെങ്കിൽ അക്യൂട്ട് ഫുൾമിനന്റ് വൈറൽ ഹെപ്പറ്റൈറ്റിസ്: കരൾ പരാജയം മൂലം ഉണ്ടാകുന്ന ഒരു തരം വൈറൽ ഹെപ്പറ്റൈറ്റിസ് ആണ് ഇത്.

ടൈപ്പ് ബി അല്ലെങ്കിൽ ടോക്സിക് ഹെപ്പറ്റൈറ്റിസ്: വലിയ അളവിൽ മദ്യം, രാസവസ്തുക്കൾ, മയക്കുമരുന്ന് എന്നിവ ഉപയോഗിക്കുന്നവരിലാണ് ഇത് കൂടുതലും സംഭവിക്കുന്നത്.

ടൈപ്പ് സി അല്ലെങ്കിൽ റെയ്‌സ് സിൻഡ്രോം: വിട്ടുമാറാത്ത കരൾ രോഗവും പാടുകളും ഉള്ളവരിൽ ഇത് അപൂർവമായ ഒരു അവസ്ഥയാണ്. ഹെപ്പാറ്റിക് എൻസെഫലോപ്പതി ഉള്ള ആളുകൾക്ക് തലച്ചോറിന്റെ പ്രവർത്തനം തകരാറിലാകുമെന്ന് ഡോക്ടർമാർ പറയുന്നു. എന്തൊക്കെയാണ് അതിന്റെ ലക്ഷണങ്ങളെന്നറിയാം...

ഉത്കണ്ഠ 
ശ്രദ്ധ കേന്ദ്രീകരിക്കാനുള്ള ബുദ്ധിമുട്ട്
മൂഡ് സ്വിംഗ്സ്
പേശികൾ വലിഞ്ഞു മുറുകുക
ഉറക്കമില്ലായ്മ
ഇടറിയ സംസാരം

ഹെപ്പാറ്റിക് എൻസെഫലോപ്പതി എങ്ങനെ തടയാം?

വേദന സംഹാരികളും ആന്റി ഡിപ്രസന്റുകളും കഴിക്കുന്നത് ഒഴിവാക്കുക. കാരണം അവ ഒടുവിൽ കരളിനെ നശിപ്പിക്കുകയും നാഡീവ്യവസ്ഥയെ ബാധിക്കുകയും ചെയ്യും.
സമീകൃതവും പോഷകസമൃദ്ധവുമായ ഭക്ഷണം കഴിക്കുകയും ആരോഗ്യകരമായ ഭാരം നിലനിർത്തുകയും ചെയ്യുക.
പതിവായി കരൾ പ്രവർത്തന പരിശോധനകൾ നടത്തുക.
നിങ്ങൾക്ക് ഫാറ്റി ലിവർ രോഗമുണ്ടെങ്കിൽ വറുത്തതും സംസ്കരിച്ചതുമായ ഭക്ഷണങ്ങൾ കഴിക്കുന്നത് നിർത്തുക.
ഹെപ്പറ്റൈറ്റിസ് എ, ബി എന്നിവയ്‌ക്കുള്ള വാക്‌സിനേഷൻ എടുക്കുക.