കുടലിൽ നല്ല ബാക്ടീരിയകൾ ഉണ്ടാകാൻ സഹായിക്കുന്ന അഞ്ച് ആഹാരങ്ങൾ

കുടലിലെ ദോഷകരമായ ബാക്ടീരിയകളുടെയും രോഗകാരികളുടെയും വളർച്ചയെ തടയുന്ന ചില തന്മാത്രകൾ ഉൽപ്പാദിപ്പിച്ച് രോഗപ്രതിരോധ സംവിധാനത്തെ നിയന്ത്രിക്കാൻ ഗട്ട് ബാക്ടീരിയ സഹായിക്കുന്നു.   

കുടലിന്റെ ആരോഗ്യം ഏറെ പ്രധാനപ്പെട്ട ഒന്നാണ്. ആമാശയം, ചെറുകുടൽ, വൻകുടൽ എന്നിവ ഉൾപ്പെടുന്ന ദഹനനാളത്തിന്റെ മൊത്തത്തിലുള്ള ക്ഷേമത്തെയും പ്രവർത്തനത്തെയും ഇത് സൂചിപ്പിക്കുന്നു. ശരിയായ ദഹനം, പോഷകങ്ങൾ ആഗിരണം ചെയ്യൽ, ശരീരത്തിൽ നിന്ന് മാലിന്യങ്ങൾ നീക്കം ചെയ്യൽ എന്നിവ ഇതിൽ ഉൾപ്പെടുന്നു.

ദഹനനാളത്തിൽ വസിക്കുന്ന ബാക്ടീരിയ, ഫംഗസ്, വൈറസുകൾ, മറ്റ് സൂക്ഷ്മാണുക്കൾ എന്നിവയുൾപ്പെടെ കോടിക്കണക്കിന് സൂക്ഷ്മാണുക്കളാണ് ഗട്ട് മൈക്രോബയോട്ട അല്ലെങ്കിൽ ഗട്ട് ഫ്ലോറ എന്നും അറിയപ്പെടുന്ന ഗട്ട് ബാക്ടീരിയ. മൊത്തത്തിലുള്ള ആരോഗ്യം നിലനിർത്തുന്നതിൽ ഈ സൂക്ഷ്മാണുക്കൾ നിർണായക പങ്ക് വഹിക്കുന്നു. 

കുടലിലെ ദോഷകരമായ ബാക്ടീരിയകളുടെയും രോഗകാരികളുടെയും വളർച്ചയെ തടയുന്ന ചില തന്മാത്രകൾ ഉൽപ്പാദിപ്പിച്ച് രോഗപ്രതിരോധ സംവിധാനത്തെ നിയന്ത്രിക്കാൻ ഗട്ട് ബാക്ടീരിയ സഹായിക്കുന്നു. 

ഓട്സ്...

ഓട്‌സിന്റെ ഉയർന്ന ഫൈബർ ഉള്ളടക്കവും പ്രീബയോട്ടിക് ഗുണങ്ങളും ശരീരത്തിന് ഒന്നിലധികം ഗുണങ്ങൾ നൽകുന്നു. ഓട്‌സ് ഭക്ഷണത്തിൽ സ്ഥിരമായി ഉൾപ്പെടുത്തുന്നത് രോഗസാധ്യത കുറയ്ക്കാനും കുടലിന്റെ ആരോഗ്യം മെച്ചപ്പെടുത്താനും മലവിസർജ്ജനം എളുപ്പമാക്കാനും കൂടുതൽ നേരം വയറുനിറഞ്ഞതായി തോന്നാനും സഹായിക്കും.

വാഴപ്പഴം...

വാഴപ്പഴം കുടലിനെ പോഷിപ്പിക്കുന്നതിനുള്ള മികച്ചൊരു ഭക്ഷണമാണ്., മാത്രമല്ല ദഹനത്തിനുള്ള ഏറ്റവും മികച്ച ഭക്ഷണങ്ങളിലൊന്നായി അറിയപ്പെടുന്നു. കുടലിലെ നല്ല ബാക്ടീരിയകളെ പോഷിപ്പിക്കാൻ സഹായിക്കുന്ന പ്രീബയോട്ടിക് ആയ ഇൻസുലിൻ എന്ന ഒരു തരം ലയിക്കുന്ന നാരുകൾ വാഴപ്പഴത്തിൽ അടങ്ങിയിട്ടുണ്ട്. 

പയർവർ​ഗങ്ങൾ...

ഫോളേറ്റ്, ഇരുമ്പ്, ബി വിറ്റാമിനുകൾ തുടങ്ങിയ പോഷകങ്ങളാൽ സമ്പന്നമാണ് പയർ. കുടൽ മൈക്രോബയോമിനെ പിന്തുണയ്‌ക്കാനും കൂടുതൽ നേരം നിലനിർത്താനും കുടലിന്റെ ക്രമം മെച്ചപ്പെടുത്താനും ഹൃദയാരോഗ്യത്തെ പിന്തുണയ്ക്കാനും ഇത് സഹായിക്കുന്നു.

ബെറിപ്പഴങ്ങൾ...

ബ്ലൂബെറി, റാസ്ബെറി, സ്ട്രോബെറി തുടങ്ങിയ സരസഫലങ്ങൾ കുടലിൽ നല്ല ബാക്ടീരിയ കൂട്ടാൻ സഹായിക്കുന്നു. കുടലിലെ വീക്കം കുറയ്ക്കാൻ സഹായിക്കുന്ന ആന്റിഓക്‌സിഡന്റുകൾ പോലുള്ള രോഗങ്ങളെ ചെറുക്കുന്ന ഗുണങ്ങൾ അവയിൽ അടങ്ങിയിട്ടുണ്ട്. 

തെെര്...

കുടലിന്റെ ആരോഗ്യത്തിന് മികച്ചൊരു ഭക്ഷണമാണ് തെെര്. തൈരിൽ പ്രോബയോട്ടിക്‌സ് ധാരാളം അടങ്ങിയിട്ടുണ്ട്, ഇത് ഗട്ട് മൈക്രോബയോമിനെ ആരോഗ്യത്തോടെ നിലനിർത്തുന്ന ജീവനുള്ള സൂക്ഷ്മാണുക്കളാണ്. 

Read വരണ്ട ചർമ്മമാണോ പ്രശ്നം ? എങ്കിൽ ഇതാ മാറാൻ ഒരു വഴിയുണ്ട്