Food Allergy : ഭക്ഷണ അലർജി ; അറിഞ്ഞിരിക്കേണ്ട ചില കാര്യങ്ങളിതാ...
Synopsis
ഭക്ഷണ പദാർഥങ്ങളിലെ പ്രോട്ടീനാണ് അലർജി വരുത്തുന്ന പ്രധാന ഘടകം. ഇതിനു പുറമേ പായ്ക്കറ്റ് ഭക്ഷണങ്ങളിൽ ചേർക്കുന്ന പ്രിസർവേറ്റീവുകൾ, നിറം ലഭിക്കാനായി ചേർക്കുന്ന കളറിങ് ഏജന്റുകൾ തുടങ്ങിയവയും അലർജിക്കു കാരണമാകാം. ചിലർക്ക് പച്ചക്കറികൾ വേവിക്കാതെ കഴിച്ചാൽ അലർജി ഉണ്ടാകാം. ഇതേ പച്ചക്കറിതന്നെ വേവിച്ചു കഴിക്കുമ്പോൾ അലർജി ഉണ്ടാകുകയുമില്ല.
ചില ഭക്ഷണങ്ങൾ ചിലരിൽ അലർജിക്ക് കാരണമാകുന്നതായി കണ്ട് വരുന്നു. എന്തുകൊണ്ട് ഈ അലർജി?
ശരീരത്തിന്റെ പ്രതിരോധ സംവിധാനം പ്രത്യേക ഭക്ഷണങ്ങളോട് അസാധാരണമായി പ്രതികരിക്കുന്നതാണ് ഭക്ഷണ അലർജി. ഒരു തവണ ഒരു ഭക്ഷണത്തിലെ ഏതെങ്കിലും ഘടകത്തോട് ശരീരം പ്രതിപ്രവർത്തിക്കുകയാണെങ്കിൽ പിന്നീട് ആ ഭക്ഷണം ചെറിയ അളവിൽ കഴിച്ചാൽപ്പോലും അലർജി റിയാക്ഷൻ ഉണ്ടാകും.
അണുബാധയ്ക്കെതിരായ ശരീരത്തിന്റെ പ്രതിരോധം ഭക്ഷണത്തിൽ കാണപ്പെടുന്ന പ്രോട്ടീനുകളെ ഒരു ഭീഷണിയായി തെറ്റായി കണക്കാക്കുമ്പോഴാണ് ഭക്ഷണ അലർജി ഉണ്ടാകുന്നത്. തൽഫലമായി, നിരവധി രാസവസ്തുക്കൾ പുറത്തുവരുന്നു. ഈ രാസവസ്തുക്കളാണ് അലർജി പ്രതിപ്രവർത്തനത്തിന്റെ ലക്ഷണങ്ങൾക്ക് കാരണമാകുന്നത്.
ഭക്ഷണ പദാർഥങ്ങളിലെ പ്രോട്ടീനാണ് അലർജി വരുത്തുന്ന പ്രധാന ഘടകം. ഇതിനു പുറമേ പായ്ക്കറ്റ് ഭക്ഷണങ്ങളിൽ ചേർക്കുന്ന പ്രിസർവേറ്റീവുകൾ, നിറം ലഭിക്കാനായി ചേർക്കുന്ന കളറിങ് ഏജന്റുകൾ തുടങ്ങിയവയും അലർജിക്കു കാരണമാകാം. ചിലർക്ക് പച്ചക്കറികൾ വേവിക്കാതെ കഴിച്ചാൽ അലർജി ഉണ്ടാകാം. ഇതേ പച്ചക്കറിതന്നെ വേവിച്ചു കഴിക്കുമ്പോൾ അലർജി ഉണ്ടാകുകയുമില്ല.
അലർജി രണ്ട് തരത്തിലുണ്ട്...
ഐജിഇ മീഡിയേറ്റഡ് ഫുഡ് അലർജി (IgE-mediated)...
ഇമ്യൂണോഗ്ലോബുലിൻ ഇ (IgE) എന്ന ആന്റിബോഡി ഉത്പാദിപ്പിക്കുന്ന രോഗപ്രതിരോധ സംവിധാനത്താൽ പ്രേരിപ്പിക്കുന്ന ഏറ്റവും സാധാരണമായ ഒന്നാണ് ഐജിഇ മീഡിയേറ്റഡ് ഫുഡ് അലർജി . ഭക്ഷണം കഴിച്ച് ഏതാനും നിമിഷങ്ങൾക്കോ മിനിറ്റുകൾക്കോ ലക്ഷണങ്ങൾ ഉണ്ടാകുന്നു. ശരീരം തടിച്ചു പൊന്തുക, ചുവന്ന പാടുകൾ വരുക, കണ്ണിനു ചുറ്റും നീരു വരുക, ഛർദ്ദി തുടങ്ങിയവ ഇതിന്റെ ലക്ഷണങ്ങളാണ്.
നോൺ-ഐജിഇ-മെഡിയേറ്റഡ് ഫുഡ് അലർജി (non-IgE-mediated food allergy)...
ഈ അലർജി പ്രതിപ്രവർത്തനങ്ങൾ ഇമ്യൂണോഗ്ലോബുലിൻ ഇ മൂലമല്ല, മറിച്ച് രോഗപ്രതിരോധ വ്യവസ്ഥയിലെ മറ്റ് കോശങ്ങളാണ്. രോഗലക്ഷണങ്ങൾ വികസിക്കാൻ കൂടുതൽ സമയമെടുക്കുന്നതിനാൽ (ഏറെ മണിക്കൂറുകൾ വരെ) ഇത്തരത്തിലുള്ള അലർജി നിർണ്ണയിക്കാൻ പലപ്പോഴും ബുദ്ധിമുട്ടാണ്. ഭക്ഷണ അലർജിയുടെ ലക്ഷണങ്ങൾ ഒരേ സമയം ശരീരത്തിന്റെ വിവിധ ഭാഗങ്ങളെ ബാധിക്കും. ചില സാധാരണ ലക്ഷണങ്ങൾ ഏതൊക്കെയാണെന്നതാണ് താഴേ പറയുന്നത്...
വായിലോ തൊണ്ടയിലോ ചെവിയിലോ ഉള്ള ചൊറിച്ചിൽ
ഉയർന്ന ചൊറിച്ചിൽ
മുഖത്തിന്റെ വീക്കം
ഛർദ്ദി
അലർജി ഉണ്ടാക്കുന്ന ചില പ്രധാനപ്പെട്ട ഭക്ഷണങ്ങൾ...
ബീഫ്, പോർക്ക് തോടുള്ള മത്സ്യങ്ങളായ കൊഞ്ച്, കണവ, ചെമ്മീൻ, ഞണ്ട്, കക്ക, കല്ലുമ്മക്കായ തുടങ്ങിയവയ അലർജി ഉണ്ടാക്കുന്ന പ്രധാനപ്പെട്ട ഭക്ഷണങ്ങളാണ്.
നഖങ്ങൾ സുന്ദരമാക്കാൻ ഇവ ഉപയോഗിച്ച് നോക്കൂ