Diet to prevent cancer: ക്യാന്സറിനെ പ്രതിരോധിക്കാന് ഭക്ഷണത്തില് ശ്രദ്ധിക്കേണ്ട കാര്യങ്ങള്...
Synopsis
അനിയന്ത്രിതമായ കോശവളർച്ച മൂലം ഉണ്ടാകുന്ന അർബുദങ്ങളെ തടയാൻ ചില ഭക്ഷണങ്ങൾക്കാകുമെന്നാണ് പഠനങ്ങള് പറയുന്നത്. ആന്റി ഓക്സിഡന്റുകള് അടങ്ങിയ ഭക്ഷണങ്ങള് ക്യാന്സറിനെ പ്രതിരോധിക്കാന് സഹായിക്കും.
അനാരോഗ്യകരമായ ജീവിതശൈലിയാണ് പലപ്പോഴും ക്യാന്സറിന് (Cancer) കാരണമാകുന്നത്. ഏതുതരം ക്യാൻസറിനും ആരോഗ്യകരമായ ഭക്ഷണങ്ങൾ ശീലമാക്കുന്നത് രോഗപ്രതിരോധശേഷി (immunity) വർധിപ്പിക്കുന്ന ഘടകങ്ങളിൽ ഒന്നാണ്. ഇതിനൊപ്പം തന്നെ ചിട്ടയായ വ്യായാമവും ജീവിതശൈലിയും മാനസികാരോഗ്യവും എല്ലാം ക്യാൻസർ പ്രതിരോധത്തിനും ചികിത്സയ്ക്കും ഏറെ സ്വാധീനിക്കുന്ന ഘടകങ്ങളാണ്.
അനിയന്ത്രിതമായ കോശവളർച്ച മൂലം ഉണ്ടാകുന്ന അർബുദങ്ങളെ തടയാൻ ചില ഭക്ഷണങ്ങൾക്കാകുമെന്നാണ് പഠനങ്ങള് പറയുന്നത്. ആന്റി ഓക്സിഡന്റുകൾ അടങ്ങിയ ഭക്ഷണങ്ങള് ക്യാന്സറിനെ പ്രതിരോധിക്കാന് സഹായിക്കും. സസ്യാഹാരം ഡയറ്റില് ഉള്പ്പെടുത്തുന്നതാണ് ക്യാന്സര് പ്രതിരോധത്തിന് ഏറെ പ്രധാനം.
പഴങ്ങൾ, പച്ചക്കറികൾ, നാരുകൾ തുടങ്ങിയവ അടങ്ങിയ ഭക്ഷണങ്ങള് ധാരാളം കഴിക്കാം. പഴങ്ങളിലും പച്ചക്കറികളിലും അടങ്ങിയിരിക്കുന്ന പോഷകങ്ങളാണ് ക്യാൻസറിനെ പ്രതിരോധിക്കാന് സഹായിക്കുന്ന ഘടകം. അതിനാല് ചീര, കാബേജ്, കോളിഫ്ലവർ, ബ്രോക്കോളി, ക്യാരറ്റ്, തക്കാളി, സ്ട്രോബെറി, റാസ്ബെറി, ബ്ലാക്ക്ബെറി, ബ്ലൂബെറി തുടങ്ങിയവ ഡയറ്റില് ഉള്പ്പെടുത്തുന്നത് ക്യാന്സറിനെ പ്രതിരോധിക്കാന് സഹായിക്കും. ധാന്യങ്ങള്, പയറുവര്ഗങ്ങള്, നട്സ് തുടങ്ങിയവയും ഡയറ്റില് ഉള്പ്പെടുത്താം.
എന്നാൽ മാംസാഹാരം, മധുരം, ഉപ്പ്, എണ്ണ, കൊഴുപ്പടങ്ങിയ ഭക്ഷണം എന്നിവ മിതമായ അളവില് കഴിക്കുന്നതാണ് നല്ലത്. ചുവന്ന മാംസത്തിന്റെ അമിതോപയോഗം ക്യാൻസർ സാധ്യത വർധിപ്പിക്കും. അതിനാല് അവയുടെ ഉപയോഗം കുറയ്ക്കുക. കൊഴുപ്പിന്റെയും പ്രിസർവേറ്റീവുകളുടെയും അജിനോമോട്ടോയുടെയും അമിത ഉപയോഗം ശരീരത്തിന് ദോഷകരമാണ്. കൂടാതെ എണ്ണയില് വറുത്തതും പൊരിച്ചതുമായ ഭക്ഷണങ്ങളുടെ ഉപയോഗവും കുറയ്ക്കാം. ഉപയോഗിച്ച എണ്ണ വീണ്ടും ഉപയോഗിക്കാതിരിക്കാനും പ്രത്യേകം ശ്രദ്ധിക്കുക.
Also Read: ഇന്ന് ലോക ക്യാന്സര് ദിനം; അർബുദത്തെ കുറിച്ച് അറിഞ്ഞിരിക്കേണ്ട ചില കാര്യങ്ങൾ...
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam