ഫാറ്റി ലിവര് രോഗം; ഡയറ്റില് ഉള്പ്പെടുത്തേണ്ട ഏഴ് ഭക്ഷണങ്ങള്
Synopsis
കരളിൽ അമിതമായി കൊഴുപ്പ് അടിഞ്ഞുകൂടുന്ന രോഗാവസ്ഥ ആണ് ഫാറ്റി ലിവര് രോഗം. ഫാറ്റി ലിവര് സാധ്യതയെ തടയാന് പ്രോസസിഡ് ഭക്ഷണങ്ങള്, റെഡ് മീറ്റ്, സംസ്കരിച്ച ഇറച്ചി വിഭവങ്ങൾ, ജങ്ക് ഫുഡ്, മധുരം ധാരാളം അടങ്ങിയ ഭക്ഷണങ്ങള് തുടങ്ങിയവ ഡയറ്റില് നിന്നും ഒഴിവാക്കുക.
ശരീരത്തിലെ ഏറ്റവും പ്രധാനപ്പെട്ട അവയവങ്ങളിലൊന്നാണ് കരൾ. പല കാരണങ്ങള് കൊണ്ടും കരളിന്റെ ആരോഗ്യം മോശമാകാം. അത്തരത്തില് കരളിൽ അമിതമായി കൊഴുപ്പ് അടിഞ്ഞുകൂടുന്ന രോഗാവസ്ഥ ആണ് ഫാറ്റി ലിവര് രോഗം. ഫാറ്റി ലിവര് സാധ്യതയെ തടയാന് പ്രോസസിഡ് ഭക്ഷണങ്ങള്, റെഡ് മീറ്റ്, സംസ്കരിച്ച ഇറച്ചി വിഭവങ്ങൾ, ജങ്ക് ഫുഡ്, മധുരം ധാരാളം അടങ്ങിയ ഭക്ഷണങ്ങള് തുടങ്ങിയവ ഡയറ്റില് നിന്നും ഒഴിവാക്കുക.
ഫാറ്റി ലിവര് രോഗത്തെ നിയന്ത്രിക്കാന് ഡയറ്റില് ഉള്പ്പെടുത്തേണ്ട ചില ഭക്ഷണങ്ങളെ പരിചയപ്പെടാം.
1. ഇലക്കറികള്
ആന്റി ഓക്സിഡന്റുകളും ഫൈബറും അടങ്ങിയ ഇലക്കറികള് ഡയറ്റില് ഉള്പ്പെടുത്തുന്നത് ഫാറ്റി ലിവര് രോഗത്തെ തടയാനും കരളിന്റെ ആരോഗ്യം സംരക്ഷിക്കാനും സഹായിക്കും. ഇതിനായി ചീര, ബ്രെക്കോളി, മുരിങ്ങയില തുടങ്ങിയവ കഴിക്കാം.
2. ഫാറ്റി ഫിഷ്
ഒമേഗ 3 ഫാറ്റി ആസിഡ് അടങ്ങിയ സാല്മണ് പോലെയുള്ള ഫാറ്റി ഫിഷ് ഡയറ്റില് ഉള്പ്പെടുത്തുന്നതും കരളിന്റെ ആരോഗ്യത്തിന് നല്ലതാണ്.
3. ഒലീവ് ഓയില്
ആരോഗ്യകരമായ കൊഴുപ്പും ആന്റി ഓക്സിഡന്റുകളും അടങ്ങിയ ഒലീവ് ഓയില് ഡയറ്റില് ഉള്പ്പെടുത്തുന്നതും കരളിന്റെ ആരോഗ്യത്തിന് ഗുണം ചെയ്യും.
4. നട്സ്
ആരോഗ്യകരമായ കൊഴുപ്പ്, ആന്റി ഓക്സിഡന്റുകള്, വിറ്റാമിന് ഇ തുടങ്ങിയവ അടങ്ങിയ നട്സ് കഴിക്കുന്നത് കരളില് കൊഴുപ്പ് അടിയുന്നത് തടയാന് സഹായിക്കും. ഇതിനായി വാള്നട്സ്, ബദാം തുടങ്ങിയവ കഴിക്കാം.
5. വെളുത്തുള്ളി
ആന്റി ഇന്ഫ്ലമേറ്ററി ഗുണങ്ങളുള്ള വെളുത്തുള്ളി ഡയറ്റില് ഉള്പ്പെടുത്തുന്നത് കരളില് കൊഴുപ്പ് അടിയുന്നത് തടയാനും ഫാറ്റി ലിവര് രോഗത്തെ നിയന്ത്രിക്കാനും സഹായിക്കും.
6. പഴങ്ങള്
ആന്റി ഓക്സിഡന്റുകളും വിറ്റാമിനുകളും അടങ്ങിയ പഴങ്ങള് ഡയറ്റില് ഉള്പ്പെടുത്തുന്നതും കരളിന്റെ ആരോഗ്യത്തിന് നല്ലതാണ്.
7. സൂര്യകാന്തി വിത്തുകള്
വിറ്റാമിന് ഇ ധാരാളം അടങ്ങിയ ഇവ കഴിക്കുന്നതും ഫാറ്റി ലിവര് രോഗത്തെ നിയന്ത്രിക്കാനും കരളിന്റെ ആരോഗ്യം സംരക്ഷിക്കാനും സഹായിക്കും.
ശ്രദ്ധിക്കുക: നിങ്ങളുടെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുന്നതാകും നിങ്ങളുടെ ആരോഗ്യത്തിന് നല്ലത്.
Also read: പതിവായി തുളസി വെള്ളം ഡയറ്റില് ഉള്പ്പെടുത്തൂ; അറിയാം ഗുണങ്ങള്
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam