വൃക്കകളുടെ ആരോഗ്യം സംരക്ഷിക്കാന് ശ്രദ്ധിക്കേണ്ട കാര്യങ്ങള്...
Synopsis
വൃക്കയുടെ ആരോഗ്യം സംരക്ഷിക്കേണ്ടത് വളരെ പ്രധാനമാണ്. എന്നാല് വൃക്കരോഗികളുടെ എണ്ണം ഇന്ന് കൂടി വരുകയാണ്. പല കാരണങ്ങള് കൊണ്ടും വൃക്കകളുടെ ആരോഗ്യം മോശമാകാം.
മനുഷ്യ ശരീരത്തിലെ മാലിന്യത്തെ പുറന്തള്ളുന്ന അവയവമാണ് വൃക്ക. വൃക്കയുടെ ആരോഗ്യം സംരക്ഷിക്കേണ്ടത് വളരെ പ്രധാനമാണ്. എന്നാല് വൃക്കരോഗികളുടെ എണ്ണം ഇന്ന് കൂടി വരുകയാണ്. പല കാരണങ്ങള് കൊണ്ടും വൃക്കകളുടെ ആരോഗ്യം മോശമാകാം. വൃക്കയുടെ ആരോഗ്യത്തിനായി ശ്രദ്ധിക്കേണ്ട കാര്യങ്ങള് എന്തൊക്കെയാണെന്ന് നോക്കാം...
ഒന്ന്...
വെള്ളം ധാരാളം കുടിക്കുക. വെള്ളം കുടിക്കുന്നത് കിഡ്നി സ്റ്റോൺ വരാനുള്ള സാധ്യതയെ കുറയ്ക്കുന്നു. ആരോഗ്യമുള്ള ഒരാൾ ഒരു ദിവസം 8 മുതല് 10 ഗ്ലാസ് വെള്ളം കുടിക്കണമെന്നാണ് ഡോക്ടർമാർ പറയുന്നത്.
രണ്ട്...
ഭക്ഷണത്തില് ഉപ്പിന്റെയും പഞ്ചസാരയുടെയും അളവ് കുറയ്ക്കുക എന്നത് വളരെ പ്രധാനമാണ്. കാരണം ഉപ്പിന്റെയും പഞ്ചസാരയുടെയും അമിത ഉപയോഗം വൃക്കയില് കല്ലുണ്ടാകാനുള്ള സാധ്യത കൂട്ടും.
മൂന്ന്...
പ്രോട്ടീന് ധാരാളം അടങ്ങിയ ഭക്ഷണങ്ങള് പരമാവധി ഡയറ്റില് ഉള്പ്പെടുത്തുക. അതുപോലെ സസ്യാഹാരങ്ങള് കൂടുതലായി ഡയറ്റില് ഉള്പ്പെടുത്താം. കാത്സ്യം ധാരാളം അടങ്ങിയ ഭക്ഷണങ്ങളും ഡയറ്റില് ഉള്പ്പെടുത്തുന്നത് വൃക്കയിലെ കല്ല് വരാതിരിക്കാന് സഹായിക്കും.
നാല്...
പ്രമേഹം, ഉയര്ന്ന രക്തസമ്മര്ദ്ദം തുടങ്ങിയ രോഗങ്ങള് ചിലപ്പോഴൊക്കെ വൃക്കയുടെ പ്രവര്ത്തനത്തെയും ബാധിക്കാം. അതിനാല് രക്തത്തിലെ പഞ്ചസാരയുടെ അളവ് നിയന്ത്രിക്കുക. ഒപ്പം ഉയര്ന്ന രക്തസമ്മര്ദ്ദത്തെയും നിയന്ത്രിക്കാന് ശ്രമിക്കുക.
അഞ്ച്...
വ്യായാമം ചെയ്യുന്നത് പതിവാക്കുക. വ്യായാമം ചെയ്യുന്നത് വൃക്കകളുടെ ആരോഗ്യത്തിന് ഏറേ ഗുണം ചെയ്യും. ശരീരത്തിന്റെ മൊത്തം ആരോഗ്യത്തിനും വ്യായാമം ചെയ്യുന്നത് നല്ലതാണ്.
ആറ്...
വേദനസംഹാരികളുടെ അമിത ഉപയോഗം പലപ്പോഴും വൃക്കകളുടെ ആരോഗ്യത്തെ മോശമായി ബാധിക്കാം. അതിനാല് വേദനസംഹാരികള് ഡോക്ടറുടെ നിര്ദ്ദേശ പ്രകാരം മാത്രം കഴിക്കുക.
ഏഴ്...
പുകവലിയും മദ്യപാനവും ഒഴിവാക്കുക. പുകവലി ശരീരത്തിലെ രക്തക്കുഴലുകളെ നശിപ്പിക്കുന്നു. ഇത് മന്ദഗതിയിലുള്ള രക്തയോട്ടത്തിലേക്കും അതിലൂടെ വൃക്കകളുടെ തകരാറിലേക്കും നയിക്കുന്നു.
എട്ട്...
ശരീരഭാരവും നിയന്ത്രിക്കുക. അമിത ഭാരമുള്ളവര്ക്ക് വൃക്കകളുടെ ആരോഗ്യം മോശമാകാന് സാധ്യതയുണ്ട്.
Also read: പ്രമേഹത്തെ നിയന്ത്രിക്കാന് നല്ലത് ചുവന്ന മുന്തിരിയോ പച്ച മുന്തിരിയോ?
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam