സോപ്പ് ഉപയോഗിച്ച് കൈകഴുകുന്നത് പ്രോത്സാഹിപ്പിക്കുന്ന ഇടപെടലുകൾ അക്യൂട്ട് റെസ്പിറേറ്ററി അണുബാധ (ARI) കുറയ്ക്കുമെന്ന് മുമ്പത്തെ ചിട്ടയായ അവലോകനങ്ങൾ സ്ഥിരമായി കണ്ടെത്തിയിട്ടുണ്ട്. കൈകഴുകുന്നതിനെക്കുറിച്ച് ബോധവൽക്കരണ കാമ്പെയ്‌നുകൾ ആരംഭിക്കുന്നതിൽ പഠനം ഊന്നൽ നൽകുന്നു.
ആരോഗ്യശീലങ്ങളിൽ പരമപ്രധാനമായ ഒന്നാണ് കൈകഴുകൽ. പലപ്പോഴും രോഗാണുക്കൾ ശരീരത്തിനകത്തേക്ക് പ്രവേശിക്കുന്നത് കൈകളിലൂടെയാണ്. വൃത്തിഹീനമായ അഥവാ രോഗാണു സാന്നിധ്യമുള്ള ഇടങ്ങളിൽ നാം സ്പർശിക്കുന്നതു വഴി രോഗാണുക്കൾ കൈകളിൽ ആവുകയും പിന്നീട് ആ കൈകൊണ്ട് കണ്ണിലോ മൂക്കിലോ വായിലോ തൊടുന്നതിലൂടെ രോഗാണുക്കൾ ശരീരത്തിന് അകത്തേക്ക് പ്രവേശിക്കുകയും ചെയ്യും.
സോപ്പ് ഉപയോഗിച്ച് കൈകഴുകുന്നത് അക്യൂട്ട് റെസ്പിറേറ്ററി അണുബാധകളെ (എആർഐ) തടയുമെന്ന് ലാൻസെറ്റ് പഠനം.സോപ്പ് ഉപയോഗിച്ച് കൈകഴുകുന്നത് കൈകളിൽ നിന്ന് ബാക്ടീരിയകളെയും വൈറസുകളെയും അകറ്റുന്നതിന് സഹായിക്കും.
അപര്യാപ്തമായ കൈ ശുചിത്വം കാരണം പ്രതിവർഷം 270,000 മുതൽ 370,000 പേര് വിവിധ രോഗങ്ങൾക്ക് കാരണമാകുന്നു. സോപ്പ് ഉപയോഗിച്ച് കൈകഴുകുന്നത് പ്രോത്സാഹിപ്പിക്കുന്ന ഇടപെടലുകൾ എആർഐ (acute respiratory infection) രോഗാവസ്ഥയെ ഏകദേശം 17 ശതമാനം കുറച്ചതായി പഠനം പറയുന്നു.
പഠനമനുസരിച്ച്, താഴ്ന്ന ഇടത്തരം വരുമാനമുള്ള രാജ്യങ്ങളിൽ ARIS തടയുന്നതിന് അത്തരം ഇടപെടലുകൾ അത്യന്താപേക്ഷിതമാണ്. ഇത് ശ്വാസകോശ സംബന്ധമായ അണുബാധ മരണങ്ങളിൽ 83 ശതമാനവും വഹിക്കുന്നു. 2008 ന് ശേഷം സോപ്പ് ഉപയോഗിച്ച് കൈകഴുകുന്നതിന്റെ ഫലത്തെക്കുറിച്ചുള്ള സമഗ്രമായ വിശകലനം ഇതാദ്യമാണ്.
സോപ്പ് ഉപയോഗിച്ച് കൈകഴുകുന്നത് പ്രോത്സാഹിപ്പിക്കുന്ന ഇടപെടലുകൾ അക്യൂട്ട് റെസ്പിറേറ്ററി അണുബാധ (ARI) കുറയ്ക്കുമെന്ന് മുമ്പത്തെ ചിട്ടയായ അവലോകനങ്ങൾ സ്ഥിരമായി കണ്ടെത്തിയിട്ടുണ്ട്. കൈകഴുകുന്നതിനെക്കുറിച്ച് ബോധവൽക്കരണ കാമ്പെയ്‌നുകൾ ആരംഭിക്കുന്നതിൽ പഠനം ഊന്നൽ നൽകുന്നു.
20 സെക്കൻഡ് സമയം സോപ്പും വെള്ളവും ഉപയോഗിച്ച് കൈകൾ കഴുകലാണ് കൊറോണയെ തടയാനുള്ള മാർഗമായി ലോകാരോഗ്യ സംഘടന നിർദേശിച്ചിരുന്നു. 'സാർവത്രിക കൈ ശുചിത്വത്തിനായി ഒന്നിക്കുക' എന്നതാണ് 2022ലെ കൈ കഴുകൽ ദിനാചരണത്തിന്റെ പ്രമേയം.
പാദങ്ങള്‍ വിണ്ടുകീറുന്നത് തടയാൻ ഇതാ ചില പൊടിക്കെെകൾ