ഈ 5 വിറ്റാമിൻ കുറവുകൾ നല്ല ഉറക്കം ലഭിക്കുന്നതിന് തടസമാകുന്നു

ഫോൺ ഉപയോഗം കുറയ്ക്കുകയും കൃത്യമായ ഭക്ഷണക്രമീകരണവും ഉണ്ടെങ്കിൽ നിങ്ങൾക്ക് നല്ല ഉറക്കം കിട്ടും. എന്നാൽ ചില സമയങ്ങളിൽ ഇക്കാര്യങ്ങൾ ശ്രദ്ധിച്ചാലും നല്ല ഉറക്കം ലഭിക്കണമെന്നില്ല.

രാത്രി ശരിയായി ഉറങ്ങിയില്ലെങ്കിൽ രാവിലെ എഴുനേൽക്കുമ്പോഴും ക്ഷീണം അങ്ങനെ തന്നെ ഉണ്ടാകും. ഫോൺ ഉപയോഗം കുറയ്ക്കുകയും കൃത്യമായ ഭക്ഷണക്രമീകരണവും ഉണ്ടെങ്കിൽ നിങ്ങൾക്ക് നല്ല ഉറക്കം കിട്ടും. എന്നാൽ ചില സമയങ്ങളിൽ ഇക്കാര്യങ്ങൾ ശ്രദ്ധിച്ചാലും നല്ല ഉറക്കം ലഭിക്കണമെന്നില്ല. ഈ വിറ്റാമിൻ കുറവുകൾ നിങ്ങളുടെ ഉറക്കത്തെ നന്നായി ബാധിക്കുന്നു. അവ എന്തൊക്കെയാണെന്ന് അറിയാം.

വിറ്റാമിൻ ഡി

ഊർജ്ജവും രോഗ പ്രതിരോധശേഷിയും കൂട്ടുന്നതിനും നല്ല ഉറക്കം ലഭിക്കുന്നതിനും വിറ്റാമിൻ ഡി ആവശ്യമാണ്. ശരീരത്തിൽ വിറ്റാമിൻ ഡിയുടെ അളവ് കുറയുന്നത് ഉറക്കത്തെ നന്നായി ബാധിക്കുന്നു.

ഒമേഗ-3 ഫാറ്റി ആസിഡ്

സ്‌ട്രെസ് ഹോർമോണുകളെ നിയന്ത്രിക്കാനും വീക്കത്തെ തടയാനും, ഹൃദയത്തിന്റേയും തലച്ചോറിന്റേയും ആരോഗ്യം മെച്ചപ്പെടുത്താനും ഒമേഗ-3 ഫാറ്റി ആസിഡ് ആവശ്യമാണ്. അതിനാൽ തന്നെ ഒമേഗ-3 ഫാറ്റി ആസിഡിന്റെ കുറവ് ഉറക്കത്തെ നന്നായി ബാധിക്കുന്നു.

സെലീനിയം

നല്ല ഉറക്കം ലഭിക്കാനും, മെറ്റബോളിക് ആരോഗ്യം മെച്ചപ്പെടുത്താനും ശരീരത്തിന് സെലീനിയം ആവശ്യമാണ്. എന്നാൽ പച്ചക്കറികൾ മാത്രം കഴിക്കുന്നവരിൽ ഇതിന്റെ അളവ് വളരെ കുറവായിരിക്കും. സമുദ്രവിഭവങ്ങളിലാണ് സെലീനിയം ധാരാളമുള്ളത്.

വിറ്റാമിൻ സി

രോഗ പ്രതിരോധശേഷി വർധിപ്പിക്കുന്നതിന് വിറ്റാമിൻ സി അത്യാവശ്യമാണ്. കൂടാതെ വീക്കത്തെ തടയാനും ഹോർമോൺ വ്യതിയാനങ്ങളെ നിയന്ത്രിക്കാനും ഇത് സഹായിക്കുന്നു. അതേസമയം വിറ്റാമിൻ സിയുടെ കുറവ് ഓക്സിഡേറ്റീവ് സ്‌ട്രെസ് കൂട്ടാനും പേശികൾ വേദനിക്കാനും ഇത് ഉറക്കത്തെ തടസപ്പെടുത്താനും കാരണമാകുന്നു.

വിറ്റാമിൻ ബി6

ശാരീരിക മാനസികാരോഗ്യത്തെ മെച്ചപ്പെടുത്തുന്നതിന് വിറ്റാമിൻ ബി6 ആവശ്യമാണ്. ഇത് സെറോടോണിൻ മെലാടോണിൻ എന്നീ ഹോർമോണുകളെ ഉത്പാദിപ്പിക്കാനും നല്ല ഉറക്കം ലഭിക്കാനും സഹായിക്കുന്നു. എന്നാൽ ഇതിന്റെ കുറവ് നല്ല ഉറക്കം ലഭിക്കുന്നതിന് തടസമാകുന്നു.