Health Tips : ഓസ്റ്റിയോപൊറോസിസ് തടയാൻ ജീവിതശെെലിയിൽ ശ്രദ്ധിക്കേണ്ടത് എന്തൊക്കെ?

ഓസ്റ്റിയോപൊറോസിസ് ആർത്തവവിരാമം കഴിഞ്ഞ സ്ത്രീകളെ കൂടുതലായി ബാധിക്കുന്നു.  ഓസ്റ്റിയോപൊറോസിസിൻ്റെ ആഘാതം ഒഴിവാക്കാൻ ശക്തവും ആരോഗ്യകരവുമായ അസ്ഥികൾ നിലനിർത്തേണ്ടത് പ്രധാനമാണെന്ന് ഹൈദരാബാദിലെ അപ്പോളോ സ്പെക്ട്ര ഹോസ്പിറ്റലിലെ ജോയിൻ്റ് റീപ്ലേസ്‌മെൻ്റും ആർത്രോസ്‌കോപ്പി സർജറി വിഭാ​ഗം ഡോ. വീരേന്ദ്ര മുഡ്‌നൂർ പറയുന്നു.

പ്രായമാകുന്തോറും ഓസ്റ്റിയോപൊറോസിസ് രോ​ഗം പിടിപെടാനുള്ള സാധ്യത കൂടുതലാണ്. ഓസ്റ്റിയോപൊറോസിസ് എന്നത് എല്ലുകളെ ദുർബലമാക്കുകയും ഒടിവുകൾ സംഭവിക്കുകയും ചെയ്യുന്ന ഒരു രോഗമാണ്. അസ്ഥി ഒടിഞ്ഞുപോകുന്നതുവരെ യാതൊരു ലക്ഷണങ്ങളും പ്രകടിപ്പിക്കാത്ത ഒരു രോ​ഗമാണ്. രോ​ഗം ​ഗുരുതരമാകുമ്പോൾ  അസ്ഥികൾ ദുർബലമാവുകയും സാന്ദ്രത നഷ്ടപ്പെടുകയു പരിക്കുകൾ അല്ലെങ്കിൽ ഒടിവ് ഉണ്ടാകാനുള്ള സാധ്യത കൂടുകയും ചെയ്യുന്നു.

ഓസ്റ്റിയോപൊറോസിസ് ആർത്തവവിരാമം കഴിഞ്ഞ സ്ത്രീകളെ കൂടുതലായി ബാധിക്കുന്നു. ഓസ്റ്റിയോപൊറോസിസിൻ്റെ ആഘാതം ഒഴിവാക്കാൻ ശക്തവും ആരോഗ്യകരവുമായ അസ്ഥികൾ നിലനിർത്തേണ്ടത് പ്രധാനമാണെന്ന് ഹൈദരാബാദിലെ അപ്പോളോ സ്പെക്ട്ര ഹോസ്പിറ്റലിലെ ജോയിൻ്റ് റീപ്ലേസ്‌മെൻ്റും ആർത്രോസ്‌കോപ്പി സർജറി വിഭാ​ഗം ഡോ. വീരേന്ദ്ര മുഡ്‌നൂർ പറയുന്നു.

ശരിയായ ഭക്ഷണക്രമമോ പോഷകാഹാരമോ ഉറപ്പാക്കുകയും ഉദാസീനമായ ജീവിതശൈലി പിന്തുടരുകയും ചെയ്തില്ലെങ്കിൽ കാലക്രമേണ ഓസ്റ്റിയോപൊറോസിസ് ഗുരുതരമാകും. ഇത് അസ്ഥികൾ അതിലോലമാക്കുകയും  ചെറിയ വീഴ്ചകളിൽ പോലും ഒടിവുകൾ ഉണ്ടാക്കാനുള്ള സാധ്യത കൂട്ടുന്നു.

പ്രായം കൂടുന്തോറും എല്ലുകൾക്ക് സ്വാഭാവികമായും സാന്ദ്രത കുറയും. ആർത്തവവിരാമത്തിന് ശേഷം സ്ത്രീകളിൽ ഓസ്റ്റിയോപൊറോസിസ് രോ​ഗ സാധ്യത വർദ്ധിക്കുന്നു. ഇത് അവരുടെ ശരീരത്തിലെ ഈസ്ട്രജൻ്റെ അളവ് കുറയ്ക്കുന്നതുമായി ബന്ധപ്പെട്ടിരിക്കുന്നു. അതിനാൽ, ഓസ്റ്റിയോപൊറോസിസിന് പ്രായം ഒരു പ്രധാന അപകട ഘടകമാണ്. പുരുഷന്മാരേക്കാൾ സ്ത്രീകൾക്ക് ഓസ്റ്റിയോപൊറോസിസ് വരാനുള്ള സാധ്യത കൂടുതലാണെന്ന് പഠനങ്ങൾ പറയുന്നു.

ഭക്ഷണക്രമം, പുകവലി/മദ്യപാനം തുടങ്ങിയ ശീലങ്ങൾ ഓസ്റ്റിയോപൊറോസിസ് അപകടസാധ്യത കൂട്ടുന്നു. ഉദാസീനമായ ജീവിതശൈലി, മോശം പോഷകാഹാരം, പുകവലി അല്ലെങ്കിൽ അമിതമായ മദ്യപാനം എന്നിവ ദുർബലമായ അസ്ഥികളുടെ രൂപീകരണത്തിന് കാരണമായേക്കാം. 

പാലുൽപ്പന്നങ്ങൾ, ഇലക്കറികൾ തുടങ്ങിയ ഭക്ഷണങ്ങളിൽ എല്ലുകളെ ശക്തിപ്പെടുത്താൻ സഹായിക്കുന്ന കാൽസ്യം, വിറ്റാമിൻ ഡി എന്നിവ അടങ്ങിയിരിക്കുന്നു. അസ്ഥികളുടെ മൊത്തത്തിലുള്ള ആരോഗ്യത്തിന് ഈ ഭക്ഷണങ്ങൾ വളരെ അത്യാവശ്യമാണ്. നടത്തം, ജോഗിംഗ് തുടങ്ങിയ വ്യായാമങ്ങൾ എല്ലുകളെ ശക്തിപ്പെടുത്തുന്നു. പുകവലിയും അമിതമായ മദ്യപാനവും അസ്ഥികൾ ദുർബലമാകുന്നതിനും അസ്ഥി ഒടിവിനുള്ള സാധ്യത വർദ്ധിപ്പിക്കുന്നതിനും കാരണമാകുന്നു.