ചർമ്മം പ്രായമാകുന്നതിന് കാരണമാകുന്ന അഞ്ച് കാര്യങ്ങൾ

നിങ്ങൾ പതിവായി 7-8 മണിക്കൂറിൽ താഴെ ഉറങ്ങുകയാണെങ്കിൽ അത് ചർമ്മത്തെ ദോഷകരമായി ബാധിക്കാം. മോശമായ ഉറക്കം കൊളാജൻ ഉത്പാദനം കുറയ്ക്കുന്നു. 

കണ്ണാടിയിൽ നോക്കി നിങ്ങളുടെ ചർമ്മം പ്രായത്തേക്കാൾ പ്രായമുള്ളതായി കാണപ്പെടുന്നത് എന്തുകൊണ്ടാണെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ? ചർമ്മത്തിന് പ്രായമാകുന്നതിന് പിന്നിൽ നിരവധി കാരണങ്ങളാണ് ഉള്ളത്. 25 നും 65 നും ഇടയിൽ പ്രായമുള്ളവരിൽ ഏകദേശം 50 ശതമാനം പേർക്കും മുഖക്കുരു, പിഗ്മെന്റേഷൻ, വരൾച്ച തുടങ്ങിയ ചർമ്മ പ്രശ്നങ്ങൾ ഉണ്ടെന്ന് അമേരിക്കൻ അക്കാദമി ഓഫ് ഡെർമറ്റോളജി വ്യക്തമാക്കുന്നു. സ്വാഭാവിക വാർദ്ധക്യം മൂലമാകാം ഇത് സംഭവിക്കുന്നതെങ്കിലും ജീവിതശൈലി, മലിനീകരണം പോലുള്ളവ ഇതിന് കാരണമാകുന്നു. ചർമ്മത്തിന് പ്രായമാകുന്നതിന് കാരണമാകുന്ന ചില കാര്യങ്ങളെ കുറിച്ചാണ് ഇനി പുറയുന്നത്...

ഒന്ന്

നിങ്ങൾ പതിവായി 7-8 മണിക്കൂറിൽ താഴെ ഉറങ്ങുകയാണെങ്കിൽ അത് ചർമ്മത്തെ ദോഷകരമായി ബാധിക്കാം. മോശമായ ഉറക്കം കൊളാജൻ ഉത്പാദനം കുറയ്ക്കുന്നു. ഇത് ചർമ്മത്തെ ഉറപ്പുള്ളതും ഇലാസ്തികതയുള്ളതുമായി നിലനിർത്തുന്നതിന് പ്രധാനമാണ്. ഇത് വരൾച്ചയ്ക്കും വാർദ്ധക്യത്തിന്റെ ലക്ഷണങ്ങൾക്കും കാരണമാകും. ഉറക്കക്കുറവ് മുഖക്കുരുവിന് കാരണമാകുന്ന ഒരു ഹോർമോണായ കോർട്ടിസോളിന്റെ അളവ് വർദ്ധിപ്പിക്കും.

രണ്ട്

സമ്മർദ്ദം ചർമ്മത്തെ ഗുരുതരമായി ബാധിക്കും. സമ്മർദ്ദത്തിന്റെ അളവ് ഉയരുമ്പോൾ കോർട്ടിസോളിന്റെ അളവ് വർദ്ധിക്കുന്നു. ഇത് മുഖക്കുരുവിനും എക്സിമ അല്ലെങ്കിൽ സോറിയാസിസ് പോലുള്ള ചർമ്മ അവസ്ഥകൾക്കും കാരണമാകും. യോഗ, ധ്യാനം അല്ലെങ്കിൽ വ്യായാമം പോലുള്ള പ്രവർത്തനങ്ങളിലൂടെ സമ്മർദ്ദം നിയന്ത്രിക്കുന്നത് ചർമ്മത്തിന്റെ ആരോഗ്യം മെച്ചപ്പെടുത്തും.

മൂന്ന്

സംസ്കരിച്ച ഭക്ഷണങ്ങൾ, പഞ്ചസാര, അനാരോഗ്യകരമായ കൊഴുപ്പ് എന്നിവ കൂടുതലുള്ള ഭക്ഷണക്രമം വീക്കം ഉണ്ടാക്കുകയും ചർമ്മം മങ്ങുകയും മുഖക്കുരുവിന് കാരണമാവുകയും ചെയ്യും. പഴങ്ങൾ, പച്ചക്കറികൾ, ധാന്യങ്ങൾ, പ്രോട്ടീനുകൾ എന്നിവയാൽ സമ്പുഷ്ടമായ സമീകൃതാഹാരം കഴിക്കുന്നത് ചർമ്മത്തെ മെച്ചപ്പെടുത്തും.

നാല്

അമിതമായ സ്‌ക്രീൻ സമയം വാർദ്ധക്യത്തെ ത്വരിതപ്പെടുത്തും. ഫോണുകൾ, ടാബ്‌ലെറ്റുകൾ, ലാപ്‌ടോപ്പുകൾ എന്നിവയിൽ നിന്നുള്ള നീല വെളിച്ചം ചർമ്മത്തിന്റെ സ്വാഭാവിക പ്രക്രിയകളെ തടസ്സപ്പെടുത്തുകയും പിഗ്മെന്റേഷൻ വഷളാക്കുകയും ചെയ്യും. ആന്റിഓക്‌സിഡന്റുകൾ അടങ്ങിയ ഉൽപ്പന്നങ്ങൾ തിരഞ്ഞെടുക്കുന്നതും ചർമ്മത്തിലുണ്ടാകുന്ന പ്രതികൂല ഫലങ്ങൾ കുറയ്ക്കാൻ സഹായിക്കും.

അഞ്ച്

മലിനീകരണം ചർമ്മത്തിന്റെ ആരോഗ്യത്തെ ​ഗുരുതരമായി ബാധിക്കാം. നഗരത്തിലെ പുകമഞ്ഞ് മുതൽ ഇൻഡോർ വായു മലിനീകരണം വരെ, നിരവധി ദോഷകരമായ കണികകൾക്ക് വിധേയമാകുന്നു. മലിനീകരണത്തിൽ നിന്ന് ചർമ്മത്തെ സംരക്ഷിക്കുന്നതിന് ദിവസവും നന്നായി മുഖം കഴുകുക. ആന്റിഓക്‌സിഡന്റുകൾ അടങ്ങിയ സെറം ഉപയോഗിക്കുക, ദിവസവും സൺസ്‌ക്രീൻ പുരട്ടുക.