ലിംഗത്തിലെ തൊലി പൊളിഞ്ഞടർന്നു, സഹിക്കാനാവാത്ത വേദന, അവസാനം 'തേൻ ചികിത്സ' ഫലിച്ചു
Synopsis
ആദ്യ പരിശോധനയിൽ രോഗിക്ക് ലിംഗത്തെ ബാധിക്കുന്ന ബാലനോപോസ്റ്റിറ്റിസ് എന്ന അവസ്ഥയാണെന്നാണ് ഡോക്ടർമാർ വിലയിരുത്തിയത്. ലിംഗത്തിന്റെ അഗ്രചർമ്മത്തിൽ വീക്കം ഉണ്ടാകുമ്പോഴാണ് ഈ അവസ്ഥയുണ്ടാകുതെന്നും ഡോക്ടർ പറഞ്ഞു.
ഡെൻമാർക്കിലെ റോസ്കിൽഡെയിൽ നിന്നുള്ള 55 കാരന് ലിംഗത്തിൽ വേദന തുടങ്ങിയിട്ട് ദിവസങ്ങളായി. ഓരോ ദിവസവും കഴിയുന്തോറും വേദന കൂടി വന്നു. അത് കൂടാതെ ലിംഗത്തിലെ തൊലി അടരാൻ തുടങ്ങി. അങ്ങനെ അയാൾ ഡെന്മാർക്കിലെ സീലാൻഡ് യൂണിവേഴ്സിറ്റി ഹോസ്പിറ്റലിലെ ഡോക്ടറിനെ കാണിക്കാൻ തീരുമാനിച്ചു.
ആദ്യ പരിശോധനയിൽ രോഗിക്ക് ലിംഗത്തെ ബാധിക്കുന്ന ബാലനോപോസ്റ്റിറ്റിസ് എന്ന അവസ്ഥയാണെന്നാണ് ഡോക്ടർമാർ വിലയിരുത്തിയത്. ലിംഗത്തിന്റെ അഗ്രചർമ്മത്തിൽ വീക്കം ഉണ്ടാകുമ്പോഴാണ് ഈ അവസ്ഥയുണ്ടാകുതെന്നും ഡോക്ടർ പറഞ്ഞു.
എന്നാൽ, കൂടുതൽ വിദഗ്ധ പരിശോധന നടത്തിയാൽ മാത്രമേ എന്താണ് അസുഖമെന്ന് പറയാൻ സാധിക്കുകയുള്ളൂവെന്ന് ഡോക്ടർ പറഞ്ഞു. ലിംഗത്തിൽ അർബുദം ബാധിക്കാത്ത മുഴകൾ ഉണ്ടെന്ന് വിദഗ്ധ പരിശോധനയിൽ കണ്ടെത്താനായെന്ന് സിലാൻഡ് യൂണിവേഴ്സിറ്റി ഹോസ്പിറ്റലിലെ ഡോക്ടർ പറഞ്ഞു. മുഴയുടെ വളർച്ചയാണ് ലിംഗത്തിൽ തൊലി അടരുന്നതിന് കാരണമായതെന്നും ഡോക്ടർ പറഞ്ഞു.
മുഴകൾ നീക്കം ചെയ്യാൻ ഡോക്ടർമാർ ശ്രമിച്ചെങ്കിലും പരാജയപ്പെട്ടു. അവസാനം മുഴ മാറ്റാൻ തേൻ ഉപയോഗിക്കുകയായിരുന്നു. മനുക്ക തേൻ ഉപയോഗിച്ചാൽ മുഴയും തൊലി അടരുന്നതും മാറ്റാനാകുമെന്ന് അവർ പറഞ്ഞു. അവിശ്വസനീയമാംവിധം, തേൻ കൊണ്ടുള്ള ചികിത്സ "തൃപ്തികരമായ ഫലം" കണ്ടു. രണ്ടാഴ്ച്ച കൊണ്ട് തന്നെ വ്യത്യാസം വന്നതായി ഡോ. അമാലി സിൽവെസ്റ്റർ-എച്ച്വിഡ് പറഞ്ഞു.
തുടക്കത്തിൽ രോഗിയുടെ ലിംഗത്തിൽ അണുബാധ ഉണ്ടായിരുന്നു. തേൻ പുരട്ടിയപ്പോൾ ആ അണുബാധ മാറ്റനായെന്നും ഡോക്ടർ പറഞ്ഞു. 52 ദിവസം കൊണ്ട് തന്നെ പൂർണമായി അസുഖം കുറഞ്ഞുവെന്നും വീണ്ടും ഇയാൾക്ക് സെക്സിലേർപ്പെടുന്നതിൽ പ്രശ്നമില്ലെന്നും ഡോ. അമാലി പറഞ്ഞു. ഇന്റർനാഷണൽ ജേണൽ ഓഫ് സർജറിയിൽ റിപ്പോർട്ട് പ്രസിദ്ധീകരിച്ചിട്ടുണ്ട്.