Smoking and Pregnancy : പുകവലിയും ​ഗർഭധാരണവും; പുതിയ പഠനം പറയുന്നത് ഇങ്ങനെ

പുകവലിക്കുന്ന അമ്മമാർ തങ്ങളുടെ കുഞ്ഞുങ്ങളെ നേരത്തെ പ്രസവിക്കാനുള്ള സാധ്യത കൂടുതലാണ്. നവജാതശിശുക്കൾക്കിടയിലെ മരണം, വൈകല്യം, രോഗം എന്നിവയുടെ പ്രധാന കാരണം മാസം തികയാതെയുള്ള പ്രസവമാണ്.

മിക്ക സ്ത്രീകളും അവരുടെ ഗർഭധാരണത്തെക്കുറിച്ച് അറിഞ്ഞതിന് ശേഷം പുകവലി കുറയ്ക്കുന്നതായി പഠനം.
400-ലധികം ഗർഭിണികളെ ഉൾപ്പെടുത്തി അടുത്തിടെ നടത്തിയ ഒരു പഠനത്തിലാണ് കണ്ടെത്തൽ. ഗർഭിണിയായ പുകവലിക്കാർ ഗർഭിണിയാണെന്ന് തിരിച്ചറിയുന്നതിന് മുമ്പ് പ്രതിദിനം ശരാശരി ഒരു സിഗരറ്റ് വീതം പുകവലി കുറച്ചു.  അഡിക്ഷൻ ബയോളജി ജേണലിലാണ് പഠനത്തിന്റെ കണ്ടെത്തലുകൾ പ്രസിദ്ധീകരിച്ചത്.

ഈ മേഖലയിലെ ഗവേഷണങ്ങളിൽ ഭൂരിഭാഗവും ഒരു വ്യക്തിയുടെ പുകവലി ഗർഭാവസ്ഥയിലും കുഞ്ഞിലും ചെലുത്തുന്ന സ്വാധീനത്തിൽ ശ്രദ്ധ കേന്ദ്രീകരിക്കുന്നു. ഈ പഠനം ഒരു വ്യക്തിയുടെ പുകവലി സ്വഭാവത്തിൽ ഗർഭധാരണത്തിന്റെ സ്വാധീനം പരിശോധിക്കുന്നതായി നോർത്ത് വെസ്റ്റേൺ യൂണിവേഴ്സിറ്റി ഫെയിൻബർഗ് സ്കൂൾ ഓഫ് മെഡിസിനിലെ ​ഗവേഷകനായ ഡോ. സൂന ഹുവാങ് മാസ്സി പറഞ്ഞു. 

ഗർഭിണികളുടെ പുകവലി കുറയ്ക്കുന്നതിന് കാരണമാകുന്ന ഒരേയൊരു കാര്യം കുഞ്ഞിനെ സംരക്ഷിക്കാനുള്ള ആഗ്രഹം മാത്രമാണെന്ന് അനുമാനിക്കപ്പെട്ടിരുന്നു," ഡോ. സൂന പറഞ്ഞു. പുകവലി ഗർഭകാലത്തും പ്രസവസമയത്തും അസാധാരണ രക്തസ്രാവത്തിനുള്ള സാധ്യത ഇരട്ടിയാക്കുന്നു. ഇത് നിങ്ങളെയും കുഞ്ഞിനെയും അപകടത്തിലാക്കും. 

പുകയിലയും ഗർഭം അലസലും തമ്മിലുള്ള ബന്ധവും പഠനങ്ങൾ നിർദ്ദേശിക്കുന്നു. പുകയില കാർബൺ മോണോക്സൈഡിന് വികസിക്കുന്ന കുഞ്ഞിന് ആവശ്യമായ ഓക്സിജൻ ലഭിക്കുന്നത് തടയാൻ കഴിയും. ഗർഭാവസ്ഥയിൽ പുകവലി ഗർഭസ്ഥ ശിശുവിൽ, പ്രത്യേകിച്ച് ശ്വാസകോശത്തിലും തലച്ചോറിലും ടിഷ്യൂകൾക്ക് കേടുപാടുകൾ വരുത്തുന്നതായി പഠനങ്ങൾ പറയുന്നു.

പുകവലിക്കുന്ന അമ്മമാർ തങ്ങളുടെ കുഞ്ഞുങ്ങളെ നേരത്തെ പ്രസവിക്കാനുള്ള സാധ്യത കൂടുതലാണ്. നവജാതശിശുക്കൾക്കിടയിലെ മരണം, വൈകല്യം, രോഗം എന്നിവയുടെ പ്രധാന കാരണം മാസം തികയാതെയുള്ള പ്രസവമാണ്.

ഗർഭകാലത്ത് പുകവലിക്കുന്ന അമ്മമാർക്ക് ജനിക്കുന്ന അഞ്ചിലൊന്ന് കുഞ്ഞുങ്ങൾക്ക് ഭാരക്കുറവുള്ളതായി Centers for Disease Control and Prevention വ്യക്തമാക്കുന്നു. ഗർഭിണിയായിരിക്കുമ്പോൾ പുകവലിക്കുന്ന അമ്മമാർക്ക് ഭാരക്കുറവുള്ള കുഞ്ഞുങ്ങൾ ജനിക്കാനുള്ള സാധ്യത കൂടുതലാണെന്നും ​ഗവേഷകർ പറയുന്നു.