Health Tips : മുടികൊഴിച്ചിൽ കുറയ്ക്കാൻ പരീക്ഷിക്കാം ആറ് ഹെയർ പാക്കുകൾ

രണ്ട് സ്പൂൺ പപ്പായ പേസ്റ്റിലേക്ക് റോസ് വാട്ടർ ചേർക്കുക. ശേഷം ഈ പാക്ക് തലയിൽ പുരട്ടുക. നന്നായി ഉണങ്ങിയതിന് ശേഷം കഴുകി കളയുക. പപ്പായയിൽ വിറ്റാമിനുകളും ആൻ്റിഓക്‌സിഡൻ്റുകളും എൻസൈമുകളും അടങ്ങിയതിനാൽ മുടി വളർച്ച വേ​ഗത്തിലാക്കുന്നു. 

മുടികൊഴിച്ചിൽ ഇന്ന് നിരവധി പേരെ ബാധിക്കുന്ന പ്രശ്നമാണ്. സമ്മർദ്ദം, തെറ്റായ ഭക്ഷണക്രമം, ചില മരുന്നുകളുടെ ഉപയോ​ഗം, താരൻ എന്നിവയെല്ലാം മുടികൊഴിച്ചിലുണ്ടാക്കാം. സിങ്ക്, ഇരുമ്പ്, വിറ്റാമിൻ എ, ഡി എന്നിവയുടെ അപര്യാപ്തത മൂലം മുടി കൊഴിച്ചിലുണ്ടാകും. മുടികൊഴിച്ചിൽ അകറ്റുന്നതിന് പരീക്ഷിക്കേണ്ട ചില ഹെയർ പാക്കുകൾ..

ഒന്ന്

1 വാഴപ്പഴം പേസ്റ്റാക്കിയതിലേക്ക് ഒരു സ്പൂൺ ഒലീവ് ഓയിൽ ചേർത്ത് യോജിപ്പിച്ച് പാക്ക് ഉണ്ടാക്കുക. ശേഷം ഈ പാക്ക് തലയിൽ പുരട്ടുക. 15 മിനുട്ട് കഴിഞ്ഞ് ഷാംപൂ ഉപയോ​ഗിച്ച് കഴുകി കളയുക. 

രണ്ട്

കഞ്ഞി വെള്ളം ഉപയോ​ഗിച്ച് തല നന്നായി കഴുകുക. ഇത് മുടികൊഴിച്ചിലും താരനും അകറ്റുന്നതിന് സഹായിക്കുന്നു.

മൂന്ന്

രണ്ട് സ്പൂൺ നെല്ലിക്ക പൊടിച്ചതിലേക്ക് അൽപം വെളിച്ചെണ്ണ ചേർക്കുക. ശേഷം ഈ പാക്ക് തലയിൽ പുരട്ടുക. നന്നായി ഉണങ്ങിയതിന് ശേഷം കഴുകുക. ആഴ്ചയിൽ രണ്ടോ മൂന്നോ തവണ ഈ പാക്ക് പുരട്ടാവുന്നതാണ്.

നാല്

മുടികൊഴിച്ചിൽ അകറ്റുന്നതിന് മികച്ചതാണ് പപ്പായ.  രണ്ട് സ്പൂൺ പപ്പായ പേസ്റ്റിലേക്ക് റോസ് വാട്ടർ ചേർക്കുക.ശേഷം ഈ പാക്ക് തലയിൽ പുരട്ടുക. നന്നായി ഉണങ്ങിയതിന് ശേഷം കഴുകി കളയുക.
പപ്പായയിൽ വിറ്റാമിനുകളും ആൻ്റിഓക്‌സിഡൻ്റുകളും എൻസൈമുകളും അടങ്ങിയതിനാൽ മുടി വളർച്ച വേ​ഗത്തിലാക്കുന്നു. താരൻ, തലയോട്ടിയിലെ മറ്റ് അണുബാധകൾ എന്നിവ തടയാനും പപ്പായ സഹായിക്കും.

അഞ്ച്

കറ്റാർവാഴ ജെല്ലും ഒലീവ് ഓയിലും യോജിപ്പിച്ച് പാക്ക് ഉണ്ടാക്കുക. ശേഷം ഈ പാക്ക് തലയിൽ പുരട്ടുക. 15 മിനുട്ട് കഴിഞ്ഞ് തണുത്ത വെള്ളത്തിൽ തല കഴുകുക. 

ആറ്

രണ്ട് സ്പൂൺ തെെരിലേക്ക് രണ്ട് മുട്ടയുടെ വെള്ള ചേർത്ത് പാക്ക് ഉണ്ടാക്കുക. ശേഷം ഈ പാക്ക് നന്നായി തലയിൽ തേച്ച് പിടിപ്പിക്കുക. മുട്ടയിൽ പ്രോട്ടീൻ, വിറ്റാമിനുകൾ, ധാതുക്കൾ എന്നിവ ധാരാളം അടങ്ങിയിട്ടുണ്ട്. ഇത് മുടിക്ക് കരുത്തും തിളക്കവും നൽകുകയും മുട്ടയുടെ വെള്ള തലയോട്ടിയുടെ ആരോഗ്യത്തിനും സഹായിക്കും.