ശരീരത്തില് വിറ്റാമിന് ഡി കുറഞ്ഞാല് സംഭവിക്കുന്നത്...
Synopsis
മറ്റ് വിറ്റാമിനുകളെ പോലെ ഭക്ഷണം മാത്രമല്ല വിറ്റാമിന് ഡി യുടെ സ്രോതസ്സ്. സൂര്യപ്രകാശത്തില് നിന്നും നമ്മുക്ക് കിട്ടുന്നതു കൂടിയാണ് വിറ്റാമിന് ഡി. സൂര്യരശ്മികള് നമ്മുടെ ചര്മ്മത്തില് വീഴുന്നത് വഴി നടക്കുന്ന പല രാസപ്രവര്ത്തനങ്ങളുടെയും ഫലമായാണ് ശരീരത്തില് വിറ്റാമിന് ഡി ഉത്പാദിപ്പിക്കപ്പെടുന്നത്.
ശരീരത്തില് വിറ്റാമിന് ഡി കുറഞ്ഞാല് അത് പല ആരോഗ്യപ്രശ്നങ്ങളും സൃഷ്ടിക്കാം. ക്ഷീണം, തളര്ച്ച, എല്ലുകളില് വേദന, പേശികള്ക്ക് ബലക്ഷയം, പേശി വേദന, നടുവേദ, ഉത്കണ്ഠ, വിഷാദം, ഭാരം കൂടുക, മുടി കൊഴിച്ചില് തുടങ്ങിയവയാണ് വിറ്റാമിന് ഡി കുറഞ്ഞാലുള്ള ലക്ഷണങ്ങള്. ദീര്ഘകാലം ഇതേ അവസ്ഥ തുടര്ന്നാല് ഹൃദയസംബന്ധമായ അസുഖങ്ങള്ക്ക് വരെ ഇത് കാരണമാകും.
മറ്റ് വിറ്റാമിനുകളെ പോലെ ഭക്ഷണം മാത്രമല്ല വിറ്റാമിന് ഡി യുടെ സ്രോതസ്സ്. സൂര്യപ്രകാശത്തില് നിന്നും നമ്മുക്ക് കിട്ടുന്നതു കൂടിയാണ് വിറ്റാമിന് ഡി. സൂര്യരശ്മികള് നമ്മുടെ ചര്മ്മത്തില് വീഴുന്നത് വഴി നടക്കുന്ന പല രാസപ്രവര്ത്തനങ്ങളുടെയും ഫലമായാണ് ശരീരത്തില് വിറ്റാമിന് ഡി ഉത്പാദിപ്പിക്കപ്പെടുന്നത്.
വിറ്റാമിന് ഡിയുടെ കുറവു മൂലം ഉണ്ടാകാവുന്ന ആരോഗ്യ പ്രശ്നങ്ങള് എന്തൊക്കെയാണെന്ന് നോക്കാം.
ഒന്ന്...
ശരീരത്തിന് പ്രതിരോധശേഷി വര്ധിപ്പിക്കാന് സഹായിക്കുന്ന ഒന്നുകൂടിയാണ് വിറ്റാമിന് ഡി. അതിനാല്
ശരീരത്തില് വിറ്റാമിന് ഡി കുറഞ്ഞാല് രോഗ പ്രതിരോധശേഷി കുറയാന് സാധ്യതയുണ്ട്.
രണ്ട്...
എല്ലുകളുടെയും പല്ലുകളുടെയും വളര്ച്ചയ്ക്ക് സഹായിക്കുന്ന കാത്സ്യത്തെ നമ്മുടെ ശരീരത്തിലേക്ക് ആഗിരണം ചെയ്യാന് സഹായിക്കുന്നതാണ് വിറ്റാമിന് ഡി. അതിനാല് വിറ്റാമിന് ഡി കുറഞ്ഞാല് അത് എല്ലുകളുടെ ആരോഗ്യത്തെയും ബാധിക്കാം. 'ഓസ്റ്റിയോപൊറോസിസ്' സാധ്യതയും വര്ധിക്കാം.
മൂന്ന്...
ഹൃദയാരോഗ്യം മെച്ചപ്പെടുത്താനും വിറ്റാമിന് ഡി ആവശ്യമാണ്. വിറ്റാമിന് ഡിയുടെ കുറവ് ഹൃദയസംബന്ധമായ അസുഖങ്ങള്ക്ക് വരെ കാരണമാകും.
നാല്...
ടൈപ്പ് 2 പ്രമേഹം നിയന്ത്രിക്കാനും ഉയര്ന്ന രക്തസമ്മര്ദ്ദത്തെ നിയന്ത്രിക്കാനുമൊക്കെ ശരീരത്തിന് വിറ്റാമിന് ഡി ആവശ്യമാണ്. അതിനാല് വിറ്റാമിന് ഡിയുടെ കുറവ് ഇത്തരം ആരോഗ്യ പ്രശ്നങ്ങളെയും ബാധിക്കാം.
അഞ്ച്...
ശരീരത്തില് വിറ്റാമിന് ഡി കുറഞ്ഞാല് അത് ചിലരില് ആസ്ത്മയുടെ ലക്ഷണങ്ങളെ വര്ധിപ്പിക്കുകയും ചെയ്യാം.
വിറ്റാമിന് ഡി കിട്ടുന്ന ഭക്ഷണങ്ങള് ഏതൊക്കെയാണെന്ന് നോക്കാം...
പാല്, തൈര്, ബട്ടര്, ചീസ്, മുട്ട, ഓറഞ്ച് ജ്യൂസ്, സാൽമൺ ഫിഷ്, കൂണ്, ഗോതമ്പ്, റാഗ്ഗി, ഓട്സ്, ഏത്തപ്പഴം, ഇലക്കറികള് തുടങ്ങിയവ കഴിക്കുന്നത് വിറ്റാമിന് ഡി ലഭിക്കാന് സഹായിക്കും.
ശ്രദ്ധിക്കുക: മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ 'കൺസൾട്ട്' ചെയ്യുക. അതുപോലെ നിങ്ങളുടെ ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുന്നതാവും നിങ്ങളുടെ ആരോഗ്യത്തിന് നല്ലത്.
Also read: ഷുഗര് കൂടുതലാണോ? പ്രമേഹ രോഗികള് ഉറപ്പായും കഴിക്കേണ്ട അഞ്ച് ഭക്ഷണങ്ങള്...
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam