പുരുഷന്മാരിൽ ബീജങ്ങളുടെ എണ്ണം കുറയുന്നതായി പഠനം; ഇത് ആശങ്കയുണ്ടാക്കുന്നതെന്ന് ​ഗവേഷകർ

ബീജത്തിന്റെ സാന്ദ്രത ഒരു മില്ലി ലിറ്ററിന് 40 മീറ്ററിൽ താഴെയായാൽ പ്രത്യുൽപാദനക്ഷമത അപകടകരമാണെന്ന് മുൻ പഠനങ്ങൾ സൂചിപ്പിച്ചിരുന്നു. ഏറ്റവും പുതിയ കണക്ക് ഈ പരിധിക്ക് മുകളിലാണെങ്കിലും, ഇത് ഒരു ശരാശരി കണക്കാണെന്ന് ലെവിൻ അഭിപ്രായപ്പെട്ടു.  

ഇന്ത്യയുൾപ്പെടെ ആഗോളതലത്തിൽ പുരുഷന്മാരിലെ ബീജങ്ങളുടെ എണ്ണവും ബീജങ്ങളുടെ സാന്ദ്രതയും കുറയുന്നതായി പഠനം.  ഓക്സ്ഫോർഡ് അക്കാദമിക്കിൽ പ്രസിദ്ധീകരിച്ച പഠനത്തിലാണ് ഇതിനെ കുറിച്ച് പറയുന്നു. സമീപഭാവിയിൽ പ്രത്യുൽപാദന പ്രതിസന്ധി ഉണ്ടായേക്കാമെന്ന് പഠനം സൂചിപ്പിക്കുന്നു.

ബീജത്തിന്റെ സാന്ദ്രത ഒരു മില്ലിലിറ്ററിന് 40 ദശലക്ഷത്തിൽ താഴെയാണെങ്കിൽ അത് പ്രത്യുൽപാദനക്ഷമതയെ ബാധിക്കുകയും പ്രത്യുൽപാദന പ്രശ്നങ്ങൾ ഉണ്ടാക്കുകയും ചെയ്യുമെന്ന് ഗവേഷകർ ചൂണ്ടിക്കാട്ടി. ഇത് പുരുഷന്മാരിലെ വൃഷണ കാൻസറിന്റെ വർദ്ധനവും ജനനേന്ദ്രിയ വൈകല്യങ്ങളും അർത്ഥമാക്കുന്നു.

ഗവേഷകർ ഇന്ത്യയുൾപ്പെടെ 53 രാജ്യങ്ങളിൽ നിന്നുള്ള 57,000-ലധികം പുരുഷന്മാരിൽ നിന്ന് ഡാറ്റ ശേഖരിച്ചു. 223 പഠനങ്ങളിൽ നിന്നുള്ള ഡാറ്റ വിശകലനം ചെയ്തു.ബീജത്തിന്റെ എണ്ണത്തെക്കുറിച്ച് എഴുതിയ 868 ലേഖനങ്ങൾ പരിശോധിച്ചു.  1973-2018 കാലയളവിൽ ബീജത്തിന്റെ ശരാശരി സാന്ദ്രത 51.6 ശതമാനം കുറഞ്ഞു. അതായത് ബീജത്തിന്റെ ശരാശരി സാന്ദ്രത ഒരു മില്ലിലിറ്ററിന് 101.2 ദശലക്ഷത്തിൽ നിന്ന് 49 ദശലക്ഷമായി കുറഞ്ഞു. കൂടാതെ, 1973-2018 കാലയളവിൽ ബീജങ്ങളുടെ എണ്ണം 62.3 ശതമാനം കുറഞ്ഞു.

1970-കളിലും അതിനുശേഷവും ഓരോ വർഷവും 1.16 ശതമാനം വീതം ശുക്ല സാന്ദ്രത കുറയുന്നു. എന്നാൽ 2000-നു ശേഷം ഓരോ വർഷവും ബീജത്തിന്റെ സാന്ദ്രത 2.64 ശതമാനം കുറയാൻ തുടങ്ങി. പുരുഷന്മാരിൽ 1981-2013 കാലയളവിൽ ബീജത്തിന്റെ സാന്ദ്രത 50 ശതമാനത്തിലധികം കുറഞ്ഞുവെന്ന് കാണിക്കുന്നു.  

' ആ​ഗോളതലത്തിൽ ഇതൊരു വലിയ പ്രശ്നമാണെന്നും അതിനെക്കുറിച്ച് നമ്മൾ എന്തെങ്കിലും ചെയ്യേണ്ടതുണ്ട് എന്നതിന്റെ മറ്റൊരു സൂചനയാണെന്നും ഞാൻ കരുതുന്നു. അതെ, ഇത് ഒരു പ്രതിസന്ധിയാണെന്ന് ഞാൻ കരുതുന്നു. അത് പഴയപടിയാക്കാൻ കഴിയാത്ത ഒരു ടിപ്പിംഗ് പോയിന്റിലെത്തുന്നതിന് മുമ്പ് ചില കാര്യങ്ങൾ ചെയ്യേണ്ടതുണ്ട്...'-  ജെറുസലേമിലെ ഹീബ്രു സർവകലാശാലയിൽ നിന്നുള്ള ഗവേശകൻ പ്രൊഫ ഹഗായി ലെവിൻ പറഞ്ഞു.

ബീജത്തിന്റെ സാന്ദ്രത ഒരു മില്ലി ലിറ്ററിന് 40 മീറ്ററിൽ താഴെയായാൽ പ്രത്യുൽപാദനക്ഷമത അപകടകരമാണെന്ന് മുൻ പഠനങ്ങൾ സൂചിപ്പിച്ചിരുന്നു. ഏറ്റവും പുതിയ കണക്ക് ഈ പരിധിക്ക് മുകളിലാണെങ്കിലും, ഇത് ഒരു ശരാശരി കണക്കാണെന്ന് ലെവിൻ അഭിപ്രായപ്പെട്ടു.