Post Pregnancy Weight Loss : പ്രസവശേഷമുള്ള അമിതവണ്ണം കുറയ്ക്കാൻ ചെയ്യേണ്ടത്...

ആരോഗ്യകരമായ ഭക്ഷണക്രമം പിന്തുടരുക, പതിവായി വ്യായാമം ചെയ്യുക എന്നിവ ഭാരം കുറയ്ക്കാൻ സഹായിക്കും.  പ്രസവം കഴിഞ്ഞ് ഭാരം കൂടുന്നത് എന്ത് കൊണ്ടാണെന്ന് ആയുർവേദ വിദ​ഗ്ധ ഡോ സ്മിതാ നരം പറയുന്നു. ഉറക്കക്കുറവ് സ്ത്രീകളിൽ ശരീരഭാരം വർദ്ധിക്കുന്നതിന് കാരണമാകുന്നു.  

ഗർഭവും പ്രസവവും സ്ത്രീയുടെ ശരീരത്തിൽ വരുത്തുന്ന മാറ്റങ്ങൾ ഏറെയാണ്. പ്രസവശേഷം ഭാരം കൂടുന്നത് സ്വാഭാവികമാണ്. ഉറക്കക്കുറവ്, സ്ട്രെച്ച് മാർക്കുകൾ, അമിതവണ്ണം, സമ്മർദ്ദം, പുറം വേദന ഇങ്ങനെ പലപ്രശ്നങ്ങളും അലട്ടാം. പ്രസവശേഷം ശരീരഭാരം കുറയ്ക്കാനുള്ള ശരിയായ മാർഗനിർദേശം തേടുക.

ആരോഗ്യകരമായ ഭക്ഷണക്രമം പിന്തുടരുക, പതിവായി വ്യായാമം ചെയ്യുക എന്നിവ ഭാരം കുറയ്ക്കാൻ സഹായിക്കും. 
പ്രസവം കഴിഞ്ഞ് ഭാരം കൂടുന്നത് എന്ത് കൊണ്ടാണെന്ന് ആയുർവേദ വിദ​ഗ്ധ ഡോ സ്മിതാ നരം പറയുന്നു. ഉറക്കക്കുറവ് സ്ത്രീകളിൽ ശരീരഭാരം വർദ്ധിക്കുന്നതിന് കാരണമാകുന്നു.  

ഗർഭകാലത്ത് തന്നെ അമിതഭാരം തടയുകയാണ് പ്രസവശേഷം ഭാരം കുറയ്ക്കാനുള്ള എളുപ്പവഴി. ദിവസവും ​​ലഘുവ്യായാമങ്ങൾ ചെയ്യാൻ സമയം മാറ്റിവയ്ക്കുക. ദിവസവും അൽപനേരം നടത്തിന് സമയം മാറ്റിവയ്ക്കുക. ഇത് രക്തയോട്ടം വർദ്ധിപ്പിക്കുവാനും ശ്വാസോച്ഛ്വാസം നല്ല രീതിയിൽ നിലനിർത്തുവാനും സഹായിക്കുന്നു. കൂടാതെ, കലോറികൾ എരിച്ച് കളഞ്ഞ് ശരീരപോഷണം മെച്ചപ്പെടുത്തുവാനും നടത്തം സഹായിക്കുന്നു.

പ്രസവശേഷം ആറുമാസം കൊണ്ട് നോർമൽ ഭാരത്തിലേക്ക് തിരിച്ചെത്തുകയാണ് വേണ്ടത്. ഈ സമയത്ത് ഡയറ്റിങ് പാടില്ല. ഡോക്ടറുടെ നിർദേശപ്രകാരം ശരിയായ അളവിൽ പോഷക സമ്പുഷ്ടമായ ഭക്ഷണങ്ങൾ കഴിക്കുക. ഒപ്പം കുഞ്ഞിനെ ആറുമാസം വരെ മുലയൂട്ടുകയും ചെറിയ വ്യായാമങ്ങൾ ചെയ്യുകയും വേണം. 

പ്രസവശേഷമുള്ള വ്യായാമങ്ങളെല്ലാം പെൽവിക് മസിലുകൾ ശക്തിപ്പെടുത്തുന്നതിന് വേണ്ടിയാണ്. ഒപ്പം അമിതഭാരവും ബെല്ലി ഫാറ്റും കുറയ്ക്കണം. പ്രസവശേഷം ആഴ്ചയിൽ രണ്ട് തവണ വെജിറ്റബിൾ സൂപ്പ് പോലെയുള്ള ലഘുഭക്ഷണം കഴിക്കണമെന്ന് അവർ പറയുന്നു.

പ്രസവശേഷം പച്ച ഇലക്കറികൾ ധാരാളം കഴിക്കണമെന്നും ഡോ നരം നിർദ്ദേശിക്കുന്നു.  ജീരകം, ഉണങ്ങിയ ഇഞ്ചിപ്പൊടി എന്നിവ അടങ്ങിയ ആയുർവേദ ഹെർബൽ ടീ ഈ ഡയറ്റ് ഗർഭധാരണത്തിനു ശേഷമുള്ള ഭാരം എളുപ്പത്തിൽ കുറയ്ക്കാൻ സഹായിക്കുമെന്നും അവർ പറയുന്നു.

സമീകൃതാഹാരവും സ്ഥിരമായ വ്യായാമമുറകളും ഭക്ഷണനിയന്ത്രണവും ശീലമാക്കിയാൽ ശരീരഭാരം കുറയ്ക്കാനും നിയന്ത്രിക്കാനും സാധിക്കും. യോഗ, എയറോബിക് വ്യായാമം എന്നിവ ഒരു ട്രെയിനറുടെ സഹായത്താൽ മാത്രം ചെയ്യുക. ശരീരഭാരം കുറയ്ക്കുന്ന കാലയളവിൽ പഞ്ചസാര, മധുരപലഹാരങ്ങൾ,ബേക്കറി ഭക്ഷണം, ചിപ്സ്‌ തുടങ്ങിയ അമിത കലോറിയും കൊഴുപ്പും അടങ്ങിയ ഭക്ഷണം ഒഴിവാക്കുക.

അരിയാഹാരത്തിന്റെ അളവ് നിയന്ത്രിച്ച് പ്രോട്ടീൻ അടങ്ങിയ മുട്ട, മീൻ, പയർ, പരിപ്പ്, നട്സ് എന്നിവ ഉൾപ്പെടുത്തുക. വിറ്റാമിനും മിനറലും ലഭിക്കുന്നതിനായി ധാരാളം പച്ചക്കറികളും ഉൾപ്പെടുത്തേണ്ടതാണ്. ഇടവേളകളിൽ സലാഡ്, മോരുവെള്ളം, സൂപ്പ്, പഴങ്ങൾ, നട്സ് എന്നിവ കഴിക്കുന്നത് വിശപ്പ് നിയന്ത്രിക്കുന്നതിനും ക്ഷീണം ഒഴിവാക്കുന്നതിനും സഹായിക്കുന്നു.