ആരോഗ്യകരമായ ഭക്ഷണം കഴിക്കുക എന്നത് രോഗപ്രതിരോധ സംവിധാനത്തെ ശരിയായി പ്രവർത്തിക്കാൻ സഹായിക്കുന്നതിന് പ്രധാനമാണ്. രോഗപ്രതിരോധ സംവിധാനത്തിന് ധാരാളം പോഷകങ്ങളുടെ സഹായം ആവശ്യമാണ്. ഇത് ഭക്ഷണത്തിൽ നിന്നാണ് ലഭിക്കേണ്ടത്.
കൊവിഡ് 19ന്റെ വരവോടെയാണ് രോഗപ്രതിരോധശേഷി കൂട്ടുന്നതിന്റെ പ്രധാന്യത്തെ കുറിച്ച് പലരും മനസിലാക്കി തുടങ്ങിയത്. ആരോഗ്യകരമായ ഭക്ഷണം കഴിക്കുക എന്നത് രോഗപ്രതിരോധ സംവിധാനത്തെ ശരിയായി പ്രവർത്തിക്കാൻ സഹായിക്കുന്നതിന് പ്രധാനമാണ്. രോഗപ്രതിരോധ സംവിധാനത്തിന് ധാരാളം പോഷകങ്ങളുടെ സഹായം ആവശ്യമാണ്. ഇത് ഭക്ഷണത്തിൽ നിന്നാണ് ലഭിക്കേണ്ടത്.
'പോഷകാഹാരങ്ങൾ രോഗപ്രതിരോധ സംവിധാനത്തെ ശക്തിപ്പെടുത്തും...'- മെഡിക്കൽ ഡയറ്റീഷ്യനായ മെർലിൻ ബെർഗർ പറയുന്നു. പല പഠനങ്ങളിലും പോഷകാഹാരക്കുറവ് രോഗപ്രതിരോധ ആരോഗ്യവുമായി ബന്ധപ്പെട്ടിരിക്കുന്നു. ഉദാഹരണത്തിന്, വിറ്റാമിൻ സി, ഡി അല്ലെങ്കിൽ സിങ്ക് എന്നിവയുടെ കുറഞ്ഞ അളവ് വീക്കം വർദ്ധിപ്പിക്കുകയും അണുബാധയ്ക്കുള്ള സാധ്യത വർദ്ധിപ്പിക്കുകയും ചെയ്യുന്നു. എന്നിരുന്നാലും, നിങ്ങളുടെ പ്രതിരോധ സംവിധാനത്തിന് ആവശ്യമായ ഒരേയൊരു പോഷകങ്ങൾ ഇവയല്ല. ശാരീരിക പ്രവർത്തനങ്ങൾ, സമ്മർദ്ദം, പ്രായം എന്നിങ്ങനെ രോഗപ്രതിരോധ ആരോഗ്യത്തെ ബാധിക്കുന്ന മറ്റ് നിരവധി ഘടകങ്ങളുണ്ട്. രോഗപ്രതിരോധ സംവിധാനം മെച്ചപ്പെടുത്തുന്നതിന് സഹായിക്കുന്ന ചില വിറ്റാമിനുകൾ...
വിറ്റാമിൻ സി...
വിറ്റാമിൻ സി രോഗപ്രതിരോധ ശേഷിക്ക് വളരെയധികം ശ്രദ്ധ നേടുന്നു. ഇതിന് നല്ല കാരണമുണ്ട്. വെളുത്ത രക്താണുക്കളുടെ ഉത്പാദനത്തെ പ്രോത്സാഹിപ്പിക്കുന്ന ശക്തമായ ആന്റിഓക്‌സിഡന്റാണിത്. ഇത് അണുബാധയിൽ നിന്ന് സംരക്ഷിക്കുന്നു. ആന്റിഓക്‌സിഡന്റ് അളവ് വർധിപ്പിക്കുക, രക്തസമ്മർദ്ദം കുറയ്ക്കുക, സന്ധിവാതത്തിൽ നിന്ന് സംരക്ഷിക്കുക, ഇരുമ്പ് ആഗിരണം മെച്ചപ്പെടുത്തുക, പ്രതിരോധശേഷി വർദ്ധിപ്പിക്കുക, ഹൃദ്രോഗം, ഡിമെൻഷ്യ റിസ്ക് എന്നിവ കുറയ്ക്കുക തുടങ്ങിയ ശ്രദ്ധേയമായ നിരവധി ആരോഗ്യ ഗുണങ്ങളുമായി വിറ്റാമിൻ സി ബന്ധപ്പെട്ട് കിടക്കുന്നു.
വിറ്റാമിൻ ഇ...
വൈറ്റമിൻ ഇശരീരത്തെ അണുബാധകളെ ചെറുക്കാൻ സഹായിക്കുകയും ചെയ്യുന്നു. രോഗപ്രതിരോധ പ്രവർത്തനത്തിലെ ഏറ്റവും പ്രധാനപ്പെട്ട പോഷകങ്ങളിൽ ഒന്നാണിതെന്നും നിങ്ങളുടെ ടി-സെല്ലുകളെ, ഒരു തരം വെളുത്ത രക്താണുക്കളെ മികച്ച രീതിയിൽ പ്രവർത്തിക്കാൻ സഹായിക്കുമെന്നും ഗവേഷണങ്ങൾ സൂചിപ്പിക്കുന്നു. ബദാം, പീനട്ട്, വിത്തുകൾ, ചീര, മാങ്ങ, കിവി എന്നിവ വിറ്റാമിൻ ഇയാൽ സമ്പുഷ്ടമാണ്.
വിറ്റാമിൻ എ...
വിറ്റാമിൻ എ ആമാശയം, കുടൽ, ശ്വസനവ്യവസ്ഥ, വായ, ചർമ്മം എന്നിവയെ ആരോഗ്യകരമായി നിലനിർത്തുകയും പകർച്ചവ്യാധികൾക്കെതിരെ പോരാടാൻ സഹായിക്കുകയും ചെയ്യുന്നു. ഓറഞ്ച്, മഞ്ഞ, ഇലക്കറികൾ എന്നിവയിൽ കാണപ്പെടുന്ന ബീറ്റാ കരോട്ടിൻ വിറ്റാമിൻ എയുടെ മികച്ച ഉറവിടമാണ്. മാത്രമല്ല കണ്ണിന്റെ ആരോഗ്യത്തിനും സഹായകമാണ്.
സിങ്ക്...
ആന്റി-ഇൻഫ്ലമേറ്ററി, ആന്റിഓക്‌സിഡന്റ് ഗുണങ്ങളുള്ള ഒരു ധാതുവാണ് സിങ്ക്. നിങ്ങളുടെ ശരീരത്തിലുടനീളം കാണപ്പെടുന്ന ഒരു പോഷകമായ സിങ്ക് രോഗപ്രതിരോധ സംവിധാനത്തെയും ഉപാപചയ പ്രവർത്തനത്തെയും സഹായിക്കുന്നു. മുറിവ് ഉണക്കുന്നതിനും രുചിയും ഗന്ധവും അറിയുന്നതിനും സിങ്ക് പ്രധാനമാണ്.
ഇരുമ്പ്...
രോഗപ്രതിരോധ സംവിധാനത്തെ നിയന്ത്രിക്കാൻ ഇരുമ്പ് സഹായിക്കുമെന്ന് ഗവേഷണങ്ങൾ കാണിക്കുന്നു. കോശങ്ങളിലേക്ക് ഓക്സിജൻ കൊണ്ടുപോകാൻ ഇരുമ്പ് സഹായിക്കുന്നു. രോഗപ്രതിരോധ കോശങ്ങളുടെ പ്രവർത്തനത്തിന് പ്രധാനമായ എൻസൈമുകളുടെ ഒരു ഘടകമാണിത്. നിങ്ങൾക്ക് ആവശ്യത്തിന് ഇരുമ്പ് ലഭിക്കുന്നില്ലെങ്കിൽ നിങ്ങളുടെ രക്തക്കുഴലുകളിലൂടെ ഓക്സിജൻ നീക്കാൻ ആവശ്യമായ ഹീമോഗ്ലോബിൻ ശരീരത്തിന് നിർമ്മിക്കാൻ കഴിയില്ല. ഇത് വിളർച്ചയിലേക്ക് നയിച്ചേക്കാം.
വിറ്റാമിൻ ഡി...
വിറ്റാമിൻ ഡി രോഗപ്രതിരോധ സംവിധാനത്തെ ശരിയായി പ്രവർത്തിക്കാനും രോഗപ്രതിരോധ കോശങ്ങളെ വർദ്ധിപ്പിക്കാനും സഹായിക്കുന്നു. ഈ പോഷകത്തിന്റെ കുറവ് സ്വയം രോഗപ്രതിരോധ സാധ്യത വർദ്ധിപ്പിക്കുകയും അണുബാധയ്ക്കുള്ള സാധ്യത വർദ്ധിപ്പിക്കുകയും ചെയ്യുന്നു. വിറ്റാമിൻ ഡിയുടെ ഏറ്റവും മികച്ച ഉറവിടങ്ങളിലൊന്നാണ് സൂര്യപ്രകാശം.
വിറ്റാമിൻ ബി 6...
വിറ്റാമിൻ ബി 6 പ്രതിരോധ സംവിധാനത്തെ നിയന്ത്രിക്കാൻ സഹായിക്കുന്നു. ഇത് ശരീരത്തെ ബാക്ടീരിയ, വൈറസുകൾ, മറ്റ് ദോഷകരമായ പദാർത്ഥങ്ങൾ എന്നിവയ്‌ക്കെതിരെ പോരാടാൻ സഹായിക്കുന്ന വെളുത്ത രക്താണുക്കളുടെയും ടി-കോശങ്ങളുടെയും ഉത്പാദനത്തെ ഉത്തേജിപ്പിക്കുന്നു. ഇതിന് ആന്റി-ഇൻഫ്ലമേറ്ററി ഗുണങ്ങളുമുണ്ട്.
വെറും വയറ്റിൽ കാപ്പി കുടിക്കുന്നത് നല്ലതല്ല, കാരണം ഇതാണ്