സ്തനാർബുദം ; സ്ത്രീകൾ അറി‍ഞ്ഞിരിക്കേണ്ട ചില കാര്യങ്ങൾ

സ്തനത്തിൽ കാണപ്പെടുന്ന പുതിയ മുഴകളെയോ അസാധാരണമായ മാറ്റങ്ങളെയോ ഒരിക്കലും അവഗണിക്കരുതെന്നും ഡോ. മൻദീപ് സിംഗ് പറയുന്നു. പാരമ്പര്യമായി ലഭിച്ച ജനിതക ഘടകങ്ങൾ, ഹോർമോണുകളുമായുള്ള സമ്പർക്കം, ജീവിതശൈലിയുമായി ബന്ധപ്പെട്ട ഘടകങ്ങൾ എന്നിവയുടെയെല്ലാം ഒരു വ്യക്തിയിലെ രോഗസാധ്യതയെ സ്വാധീനിച്ചേക്കാം.

സ്തനാർബുദം പലപ്പോഴും മധ്യവയസ്സിലോ അതിനു ശേഷമോ ആണ് കണ്ടുവരാറുള്ളതെങ്കിലും, ചെറുപ്പക്കാരായ സ്ത്രീകൾക്കും ഈ രോഗം വരാം. വാസ്തവത്തിൽ, 30-ഉം 40-ഉം വയസ്സുള്ള സ്ത്രീകളിൽ സ്തനാർബുദം ഒരു പ്രധാന ആരോഗ്യപ്രശ്നമായി തുടരുന്നു. അതിനാൽ, രോഗത്തെക്കുറിച്ചുള്ള അവബോധം, കൃത്യസമയത്തുള്ള വൈദ്യസഹായം തേടുക, ഓരോരുത്തർക്കും ഈ രോഗം വരാനുള്ള സാധ്യതകൾ ഇവയെ കുറിച്ച് അറിഞ്ഞിരിക്കേണ്ട പ്രധാനമാണ്.

30-നും 39-നും ഇടയിൽ പ്രായമുള്ള സ്ത്രീകളിൽ കണ്ടുവരുന്ന പ്രധാന അർബുദങ്ങളിലൊന്നാണ് സ്തനാർബുദം. തങ്ങൾക്ക് സ്തനാർബുദം വരാൻ മാത്രം പ്രായമായിട്ടില്ല എന്ന തെറ്റായ ധാരണ പല സ്ത്രീകളിലും ഉണ്ട്. ഇത് രോഗലക്ഷണങ്ങളെ അവഗണിക്കാനോ, വൈദ്യസഹായം തേടുന്നതിൽ കാലതാമസം വരുത്താനോ കാരണമായേക്കാമെന്ന് 'സതേൺ മേരിലാൻഡ് ന്യൂസ്' പുറത്തിട്ട് വിട്ട റിപ്പോർട്ടിൽ പറയുന്നു.

സ്തനാർബുദം പ്രായമായ സ്ത്രീകളിൽ മാത്രം കാണപ്പെടുന്ന ഒരു രോഗമല്ല. യുവതികളും തങ്ങളുടെ സ്തനാരോഗ്യത്തെക്കുറിച്ച് അത്രത്തോളം തന്നെ ബോധവതികളായിരിക്കണമെന്ന് സീനിയർ ഓങ്കോളജിസ്റ്റ് ഡോ. മൻദീപ് സിംഗ് മൽഹോത്ര പറയുന്നു. ചെറുപ്പക്കാരായ സ്ത്രീകൾക്ക് ചില പ്രത്യേക വെല്ലുവിളികൾ നേരിടേണ്ടി വന്നേക്കാം. ഇവരിൽ സ്തനകലകൾക്ക് സാന്ദ്രത കൂടുതലായിരിക്കാൻ സാധ്യതയുണ്ട്. ആർത്തവചക്രം, ഗർഭധാരണം, മുലയൂട്ടൽ എന്നിവയുമായി ബന്ധപ്പെട്ട മാറ്റങ്ങൾ കാരണം, രോഗലക്ഷണങ്ങളെ പലപ്പോഴും അവഗണിക്കാൻ സാധ്യതയുണ്ട്.

സ്തനത്തിൽ കാണപ്പെടുന്ന പുതിയ മുഴകളെയോ അസാധാരണമായ മാറ്റങ്ങളെയോ ഒരിക്കലും അവഗണിക്കരുതെന്നും ഡോ. മൻദീപ് സിംഗ് പറയുന്നു. പാരമ്പര്യമായി ലഭിച്ച ജനിതക ഘടകങ്ങൾ, ഹോർമോണുകളുമായുള്ള സമ്പർക്കം, ജീവിതശൈലിയുമായി ബന്ധപ്പെട്ട ഘടകങ്ങൾ എന്നിവയുടെയെല്ലാം ഒരു വ്യക്തിയിലെ രോഗസാധ്യതയെ സ്വാധീനിച്ചേക്കാം.

സ്തനാർബുദം സ്ത്രീകളെ കുറച്ചുകൂടി ചെറുപ്രായത്തിൽത്തന്നെ ബാധിച്ചുവരുന്നുണ്ട്. ഇതിന്റെ ഒരു പ്രധാന കാരണം, BRCA1, BRCA2 തുടങ്ങിയ ജീനുകളുമായി ബന്ധപ്പെട്ട, കുടുംബപരമോ പാരമ്പര്യമോ ആയ സ്തനാർബുദമാണെന്ന് ഡോ. മൽഹോത്ര പറഞ്ഞു. BRCA1, BRCA2 തുടങ്ങിയ ജീനുകളിലുണ്ടാകുന്ന ജനിതകമാറ്റങ്ങൾ സ്തനാർബുദ സാധ്യത ഗണ്യമായി വർദ്ധിപ്പിക്കും.

ആർത്തവം നേരത്തെ ആരംഭിക്കുക, വൈകിയ പ്രായത്തിൽ ആദ്യ ഗർഭധാരണം നടക്കുക, പ്രസവിക്കാതിരിക്കുക എന്നിവ സ്തനാർബുദ സാധ്യതയുമായി ബന്ധപ്പെട്ട ഘടകങ്ങളിൽ ഉൾപ്പെടുന്നു. അമിതഭാരം, മദ്യപാനം, പുകയില ഉപയോഗം എന്നിവയാണ് മറ്റ് പ്രധാന അപകടസാധ്യത ഘടകങ്ങൾ. സ്തനാർബുദത്തിന്റെ ചില പ്രധാനപ്പെട്ട ലക്ഷണങ്ങൾ..

സ്തനത്തിലോ കക്ഷത്തിലോ പുതിയതായി കാണപ്പെടുന്ന മുഴ

സ്തനത്തിന്റെ വലിപ്പത്തിലോ ആകൃതിയിലോ പെട്ടെന്നുണ്ടാകുന്ന മാറ്റം.

സ്തനചർമ്മത്തിൽ കുഴികൾ വീഴുക, ചുളിവുകൾ ഉണ്ടാവുക അല്ലെങ്കിൽ ചർമ്മം കട്ടിയാവുക.

മുലക്കണ്ണ് ഉള്ളിലേക്ക് വലിഞ്ഞ അവസ്ഥയോ അല്ലെങ്കിൽ അതിന്റെ രൂപത്തിലുണ്ടാകുന്ന മാറ്റമോ.

മുലഞെട്ടിൽ നിന്നുള്ള അസാധാരണമായ സ്രവം

സ്തനത്തിന് ചുറ്റുമുള്ള ചർമ്മത്തിൽ തുടർച്ചയായ ചുവപ്പ്, വീക്കം അല്ലെങ്കിൽ മാറ്റങ്ങൾ കാണുക.

തുടർച്ചയായതോ അസാധാരണമായതോ ആയ സ്തനവേദന.