World Arthritis Day 2022 : ലോക ആര്‍ത്രൈറ്റിസ് ദിനം ; സന്ധിവേദന അകറ്റുന്നതിന് മൂന്ന് കാര്യങ്ങൾ ശ്രദ്ധിക്കാം

സന്ധിവാതം പലതരത്തിലുണ്ടെങ്കിലും രണ്ടുതരം സന്ധിവേദനകളാണ് വളരെ സാധാരണയായി കണ്ടുവരുന്നത്. ഓസ്റ്റിയോ ആർത്രൈറ്റിസ്, റൂമറ്റോയ്ഡ് ആർത്രൈറ്റിസ് എന്നിവയാണ് അവ. ആർത്രൈറ്റിസ് ഉണ്ടെന്ന് കണ്ടെത്തുമ്പോൾ, വേദന പരിഹരിക്കാനും രോഗലക്ഷണങ്ങൾ നിയന്ത്രിക്കാനും സഹായിക്കുന്ന ചില മരുന്നുകൾ നിങ്ങളുടെ ഡോക്ടർ നിർദ്ദേശിക്കും. 

എല്ലാ വർഷവും ഒക്ടോബർ 12 ന് ലോക സന്ധിവാത ദിനം ആചരിക്കുന്നു. 1996 ഒക്ടോബർ 12 നാണ് ഈ ദിനം ആദ്യമായി ആഘോഷിച്ചത്. സന്ധികളുമായി ബന്ധപ്പെട്ട ഒരു പ്രശ്നമാണ് ആർത്രൈറ്റിസ്. ഈ രോഗത്തിൽ, വ്യക്തിയുടെ സന്ധികളിൽ വേദനയും അവയിൽ വീക്കവും ഉണ്ടാകുന്നു.

സന്ധിവാതം ശരീരത്തിലെ ഏതെങ്കിലും സന്ധികളെയോ ഒന്നിലധികം സന്ധികളെയോ ബാധിക്കാം. സന്ധിവാതം പലതരത്തിലുണ്ടെങ്കിലും രണ്ടുതരം സന്ധിവേദനകളാണ് വളരെ സാധാരണയായി കണ്ടുവരുന്നത്. ഓസ്റ്റിയോ ആർത്രൈറ്റിസ്, റൂമറ്റോയ്ഡ് ആർത്രൈറ്റിസ് എന്നിവയാണ് അവ.

ആർത്രൈറ്റിസ് ഉണ്ടെന്ന് കണ്ടെത്തുമ്പോൾ, വേദന പരിഹരിക്കാനും രോഗലക്ഷണങ്ങൾ നിയന്ത്രിക്കാനും സഹായിക്കുന്ന ചില മരുന്നുകൾ നിങ്ങളുടെ ഡോക്ടർ നിർദ്ദേശിക്കും. എന്നിരുന്നാലും, വേദന നിയന്ത്രിക്കാൻ സഹായിക്കുന്ന ചില ജീവിതശൈലി മാറ്റങ്ങൾ വരുത്തേണ്ടതും പ്രധാനമാണ്. ഈ വിട്ടുമാറാത്ത അവസ്ഥ സന്ധികൾ വീർക്കാൻ ഇടയാക്കും. ഇത് വേദനയ്ക്കും കാഠിന്യത്തിനും കാരണമായേക്കാം. സന്ധിവാതം വേദന കൈകാര്യം ചെയ്യുന്നതിന് ശ്രദ്ധിക്കേണ്ട ചില കാര്യങ്ങളിതാ...

ഒന്ന്...

ഏതെങ്കിലും തരത്തിലുള്ള വ്യായാമങ്ങൾ ചെയ്യുക. ശാരീരികക്ഷമതയും ആരോഗ്യവും നിലനിർത്താൻ നിങ്ങളെ സഹായിക്കുന്നതിനാൽ നിങ്ങൾ ഏതെങ്കിലും തരത്തിലുള്ള വ്യായാമങ്ങൾ ചെയ്യേണ്ടത് പ്രധാനമാണ്. ശാരീരിക പ്രവർത്തനങ്ങൾ നടത്തുന്നത് സന്ധികൾക്കും നിങ്ങളുടെ മൊത്തത്തിലുള്ള ആരോഗ്യത്തിനും ക്ഷേമത്തിനും ആരോഗ്യകരമാകും. വ്യായാമങ്ങൾ ചെയ്യുന്നത് പ്രമേഹം, രക്താതിമർദ്ദം, മറ്റ് ആരോഗ്യസ്ഥിതികൾ തുടങ്ങിയ വിട്ടുമാറാത്ത രോഗങ്ങളെ അകറ്റി നിർത്താൻ സഹായിക്കും.

രണ്ട്...

നിങ്ങൾ പൊണ്ണത്തടിയുള്ളവരോ അമിതഭാരമുള്ളവരോ ആണെങ്കിൽ നിങ്ങളുടെ സന്ധികളിൽ സമ്മർദ്ദം കൂട്ടുന്നുണ്ടാകാം. അതിനാൽ സന്ധികളിൽ പ്രത്യേകിച്ച് ഇടുപ്പിലും കാലുകളിലും ഉള്ള സമ്മർദ്ദം കുറയ്ക്കുന്നതിന് ശരീരഭാരം കുറയ്ക്കേണ്ടത് പ്രധാനമാണ്.

മൂന്ന്...

നിങ്ങൾക്ക് സന്ധി വേദനയും മറ്റ് ആർത്രൈറ്റിസ് ലക്ഷണങ്ങളും ഉണ്ടെങ്കിൽ ഡോക്ടറോട് സംസാരിക്കുക. എത്രയും വേഗം കൃത്യമായ രോഗനിർണയം നടത്തേണ്ടത് പ്രധാനമാണ്. രോഗലക്ഷണങ്ങൾ കുറയ്ക്കുന്നതിനും രോഗം കൂടുതൽ വഷളാകുന്നത് തടയുന്നതിനും പ്രത്യേകിച്ച് ല്യൂപ്പസ്, റൂമറ്റോയ്ഡ് ആർത്രൈറ്റിസ്, സന്ധിവാതം തുടങ്ങിയവയ്ക്ക് ചികിത്സ പ്രധാനമാണ്.