World Blood Donor Day 2022 : 'രക്തം ദാനം ചെയ്യൂ'; അറിയാം ലോക രക്തദാന ദിനത്തിന്റെ പ്രധാന്യം

ജീവൻ രക്ഷിക്കാൻ രക്തദാനത്തിന്റെ നിരന്തരമായ ആവശ്യകതയെക്കുറിച്ച് അവബോധം സൃഷ്ടിക്കുന്നതിനായി ലോകാരോഗ്യ സംഘടന (WHO) 2004-ൽ ലോക രക്തദാതാക്കളുടെ ദിനം ആരംഭിച്ചു.  

ഇന്ന് ലോക രക്തദാന ദിനം (World Blood Donor Day). ജീവൻ രക്ഷിക്കാനുള്ള ഉപാധിയായി സുരക്ഷിതമായ രക്തദാനത്തിന്റെ ആവശ്യകതയെക്കുറിച്ച് അവബോധം സൃഷ്ടിക്കുന്നതിനായി എല്ലാ വർഷവും ജൂൺ 14 ന് ലോക രക്തദാന ദിനം ആചരിച്ച് വരുന്നു. ഈ കൊവിഡ് മഹാമാരി കാലയളവിൽ മിക്ക രോഗികളുടെയും ആരോഗ്യവും ജീവിത നിലവാരവും മെച്ചപ്പെടുത്തുന്നതിനായി രക്തദാതാക്കൾ നൽകുന്ന പങ്ക് ചെറുതല്ല.

സന്നദ്ധ രക്തദാനത്തിന്റെ ആവശ്യകത, മഹത്വം എന്നിവയെക്കുറിച്ച് ജനങ്ങളിൽ അവബോധം വളർത്തുക, ദശലക്ഷക്കണക്കിന് പേരുടെ ജീവൻ രക്ഷിക്കാനായി പ്രതിഫലമില്ലാതെ സന്നദ്ധ രക്തംദാനം ചെയ്തവരെ ആദരിക്കുക തുടങ്ങിയ ലക്ഷ്യത്തോടെയാണ് ലോകമെമ്പാടും രക്തദാന ദിനം ആചരിക്കുന്നത്. 

ജീവൻ രക്ഷിക്കാൻ രക്തദാനം ചെയ്യുന്നത് അത്യന്താപേക്ഷിതമാണ്, മാത്രമല്ല ഇത് ദാതാവിന് ശാരീരികവും മാനസികവുമായ ആരോഗ്യ ആനുകൂല്യങ്ങളുടെ ഒരു നിര വാഗ്ദാനം ചെയ്യുന്നു. നാഷണൽ ബ്ലഡ് ട്രാൻസ്ഫ്യൂഷൻ കൗൺസിലിന്റെ അഭിപ്രായത്തിൽ ആരോഗ്യമുള്ള ഏതൊരു മുതിർന്നവർക്കും, പുരുഷനും സ്ത്രീക്കും രക്തം ദാനം ചെയ്യാം. 

Read more 14 വയസില്‍ താഴെയുള്ള കുട്ടികളില്‍ പ്രമേഹം കൂടുന്നു; എങ്ങനെ തിരിച്ചറിയാം?

പുരുഷന്മാർക്ക് മൂന്ന് മാസത്തിലൊരിക്കലും സ്ത്രീകൾക്ക് നാല് മാസത്തിലൊരിക്കലും രക്തദാനം ചെയ്യാം. രക്തം ദാനം ചെയ്യുന്നത് ഐക്യദാർഢ്യമാണ്. ജീവന് രക്ഷിക്കുന്നതിലും കമ്മ്യൂണിറ്റികൾക്കുള്ളിൽ ഐക്യദാർഢ്യം വർധിപ്പിക്കുന്നതിലും സ്വമേധയാ ഉള്ള രക്തദാനം വഹിക്കുന്ന പങ്കുകളിലേക്ക് ശ്രദ്ധ ആകർഷിക്കുന്നതിനായി പരിശ്രമത്തിൽ ചേരൂ, ജീവൻ രക്ഷിക്കൂ... എന്നതാണ് 2022ലെ ലോക രക്തദാന ദിനത്തിലെ തീം.

ജീവൻ രക്ഷിക്കാൻ രക്തദാനത്തിന്റെ നിരന്തരമായ ആവശ്യകതയെക്കുറിച്ച് അവബോധം സൃഷ്ടിക്കുന്നതിനായി ലോകാരോഗ്യ സംഘടന (WHO) 2004-ൽ ലോക രക്തദാതാക്കളുടെ ദിനം ആരംഭിച്ചു.

Read more   മുടി കൊഴിച്ചില്‍; പ്രശ്നം മുടിയുടേത് ആകണമെന്നില്ല....