ദില്ലി വികാസ്പുരിയിൽ വൻ തീപിടിത്തം; രക്ഷാപ്രവര്‍ത്തനത്തിന് 18 ഫയര്‍ എഞ്ചിനുകള്‍

വികാസ്പുരിയിലെ എച്ച് - ബ്ലോക്ക് ഡിഡിഎ മാർക്കറ്റിലെ ഒരു കടയിലാണ് വൻ തീപിടിത്തമുണ്ടായത്. 

ദില്ലി: വികാസ്പുരിയിലെ കടയിൽ വൻ തീപിടിത്തം. തീ പിടിത്തത്തെ തുടര്‍ന്ന് 18 അഗ്നിശമനസേനാ യൂണിറ്റുകൾ സ്ഥലത്തെത്തി. വികാസ്പുരിയിലെ എച്ച് - ബ്ലോക്ക് ഡിഡിഎ മാർക്കറ്റിലെ ഒരു കടയിലാണ് വൻ തീപിടിത്തമുണ്ടായത്. അഗ്നിശമന പ്രവർത്തനങ്ങൾ പുരോഗമിക്കുകയാണ്. ഇന്ന് പുലർച്ചെ 5:50 ഓടെയാണ് വികാസ്പുരി പ്രദേശത്ത് നിന്ന് തീ പിടിത്തത്തെക്കുറിച്ച് ഫോണ്‍ കോൾ ലഭിച്ചതെന്ന് പൊലീസ് പറയുന്നു. തീപിടിത്തത്തിന്‍റെ കാരണം ഇതുവരെ കണ്ടെത്താനായിട്ടില്ല. ആര്‍ക്കെങ്കിലും പരിക്കേറ്റതായോ മറ്റ് അപകടങ്ങളോ ഇതുവരെയായും റിപ്പോര്‍ട്ട് ചെയ്യപ്പെട്ടിട്ടില്ല.