ദില്ലിയില്‍ ആറ് നിലക്കെട്ടിടം ചെരിഞ്ഞു, ആളുകളെ ഒഴിപ്പിച്ച് അധികൃതര്‍

45 വാടകക്കാരാണ് ഈ കെട്ടിടത്തില്‍ താസിക്കുന്നത്. സമീപത്തായി താമസിക്കുന്ന നൂറോളം പേരെയും താമസക്കാരെയും സംഭവത്തെത്തുടര്‍ന്ന് സ്ഥലത്തുനിന്ന് ഒഴിപ്പിച്ചു...

ദില്ലി: ദക്ഷിണ ദില്ലിയിലെ ആറുനില കെട്ടിടം ചെരിഞ്ഞു. ആളുകള്‍ താമസിക്കുന്ന കെട്ടിടമാണ് ചെരിഞ്ഞത്. ഇതോടെ താമസക്കാരും സമീപത്തുള്ളവരുമെല്ലാം ആകെ ഭയന്ന് പൊലീസിനെ വിവരമറിയിച്ചു. രാവിലെ 5.30നാണ് പൊലീസിന് വിവരം ലഭിച്ചത്. ശേഷം പൊലീസ് സ്ഥലത്തെത്തി ആളുകളെ ഒഴിപ്പിക്കാന്‍ നിര്‍ദ്ദേശം നല്‍കുകയായിരുന്നു.

45 വാടകക്കാരാണ് ഈ കെട്ടിടത്തില്‍ താസിക്കുന്നത്. സമീപത്തായി താമസിക്കുന്ന നൂറോളം പേരെയും താമസക്കാരെയും സംഭവത്തെത്തുടര്‍ന്ന് സ്ഥലത്തുനിന്ന് ഒഴിപ്പിച്ചു. ദേശീയ ദുരന്ത പ്രതികരണ സേനയും സബ് ഡിവിഷണല്‍ മജിസ്ട്രേറ്റും സ്ഥലത്ത് എത്തിയിരുന്നുവെന്ന് പൊലീസ് വ്യക്തമാക്കി. ജവഹര്‍ലാല്‍ നെഹ്റു യൂണിവേഴ്സിറ്റിയുടെ നോര്‍ത്ത് ഗേറ്റിന് സമീപത്താണ് ഈ കെട്ടിടം സ്ഥിതി ചെയ്യുന്നത്.