അഗ്നിപഥ് പ്രതിഷേധം: ബിഹാറില് 12 ജില്ലകളില് ഇന്റര്നെറ്റ് സേവനങ്ങള്ക്ക് നിയന്ത്രണം, പട്നയില് ജാഗ്രത
Synopsis
ബീഹാറില് 12 ജില്ലകളില് ഇന്റര്നെറ്റ് സേവനങ്ങള്ക്ക് നിയന്ത്രണം ഏര്പ്പെടുത്തി.
പട്ന: അഗ്നിപഥ് പദ്ധതിക്കെതിരെ മൂന്നാംദിനവും കനത്ത പ്രതിഷേധം തുടരുന്നു. ബിഹാറില് നാളെ ബന്ദിന് ആഹ്വാനം ചെയ്തിട്ടുണ്ട്. പട്നയില് ജാഗ്രത പ്രഖ്യാപിച്ചിട്ടുണ്ട്. പട്നയ്ക്ക് അടുത്തേക്കും സംഘര്ഷം വ്യാപിക്കാന് സാധ്യതയുണ്ടെന്നാണ് റിപ്പോര്ട്ട്. ബീഹാറില് 12 ജില്ലകളില് ഇന്റര്നെറ്റ് സേവനങ്ങള്ക്ക് നിയന്ത്രണം ഏര്പ്പെടുത്തി. അഗ്നിപഥ് പദ്ധതിക്കെതിരെ ബിഹാറിലും യുപിയിലും പ്രതിഷേധം ആളിപ്പടരുകയാണ്. ബിഹാറില് അഞ്ച് ട്രെയിനുകള് പ്രതിഷേധക്കാര് കത്തിച്ചു. റെയില്വെ വസ്തുവകകള് ആക്രമിക്കരുതെന്ന് റെയില്വെ മന്ത്രി അശ്വിനി വൈഷണവ് അഭ്യർത്ഥിച്ചു.
പ്രതിഷേധം 340 ട്രെയിൻ സർവീസുകളെ ബാധിച്ചതായി റെയിൽവേ അറിയിച്ചിട്ടുണ്ട്. 94 മെയിൽ എക്സ്പ്രസും 140 പാസഞ്ചർ ട്രെയിനുകളും റദ്ദാക്കി. 65 മെയിൽ എക്സ്പ്രസും 30 പാസഞ്ചർ ട്രെയിനുകളും ഭാഗികമായി റദ്ദാക്കി. 11 മെയിൽ എക്സ്പ്രസുകൾ വഴി തിരിച്ചു വിട്ടു. അഗ്നിപഥ് പദ്ധതിക്കെതിരെ ബിഹാറിലും യുപിയിലും പ്രതിഷേധം ആളിപ്പടരുകയാണ്. ബിഹാർ ഉപമുഖ്യമന്ത്രി രേണുദേവിയുടെയും ബിജെപി സംസ്ഥാന അധ്യക്ഷന്റെയും വീടിന് നേരെയും ആക്രമണം ഉണ്ടായി.
ബിഹാറിലെ മഥേപുരിയല് ബിജെപി ഓഫീസില് അഗ്നിപഥ് പ്രതിഷേധക്കാർ തീയിട്ടു. ബിഹാറിനും യുപിക്കും പുറമെ മധ്യപ്രദേശിലും ഹരിയാനയിലും പശ്ചിമബംഗാളിലെ വിവിധയിടങ്ങളിലും ഇന്ന് പ്രതിഷേധം നടന്നു . സംഘര്ഷം ശക്തിപ്പെടുന്ന സാഹചര്യത്തില് ബിഹാര് ഹരിയാന യുപി സംസ്ഥാനങ്ങളില് വലിയ സുരക്ഷ ഏര്പ്പെടുത്തിയുട്ടുണ്ട്. ഹരിയാനയില് പലയിടങ്ങളിലും ഇന്റര്നെറ്റ്, മെസേജ് സേവനങ്ങള് റദ്ദാക്കി.