സര്ക്കാര് ഉദ്യോഗസ്ഥരെ ഭീഷണിപ്പെടുത്തി; മധ്യപ്രദേശില് ബിജെപി ജനറല് സെക്രട്ടറിയടക്കം 350 പേര്ക്കെതിരെ കേസ്
Synopsis
സര്ക്കാര് ഉദ്യോഗസ്ഥരെ ഭീഷണിപ്പെടുത്തിയതിന് ബിജെപി ജനറല് സെക്രട്ടറിയടക്കം 350 പേര്ക്കെതിരെ കേസെടുത്ത് മധ്യപ്രദേശ് സര്ക്കാര്.
ഭോപ്പാല്: സര്ക്കാര് ഉദ്യോഗസ്ഥരെ ഭീഷണിപ്പെടുത്തിയതിന് ബിജെപി ജനറല് സെക്രട്ടറി കൈലാഷ് വിജയ് വര്ഗീയ ഉള്പ്പെടെ 350 പേര്ക്കെതിരെ കേസെടുത്ത് മധ്യപ്രദേശ് സര്ക്കാര്. സര്ക്കാര് ഉദ്യോഗസ്ഥരെ ഭീഷണിപ്പെടുത്തുന്ന വീഡിയോ സോഷ്യല് മീഡിയയില് വൈറലായതോടെയാണ് ഇവര്ക്കെതിരെ കേസെടുത്തതെന്ന് പൊലീസ് അറിയിച്ചു.
വെള്ളിയാഴ്ച ഇന്ഡോറില് ബിജെപി സംഘടിപ്പിച്ച പ്രതിഷേധത്തിനിടെ 'ആര്എസ്എസ് നേതാക്കള് ഇവിടെ ഇല്ലായിരുന്നെങ്കില് ഇന്ന് ഇന്ഡോറിന് തീവെച്ചേനെ' എന്നായിരുന്നു വിജയ് വര്ഗീയയുടെ പ്രസംഗം. പ്രസംഗത്തെ തുടര്ന്ന് തഹസില്ദാര് നല്കിയ പരാതിയുടെ അടിസ്ഥാനത്തിലാണ് കൈലാഷ് വിജയ് വര്ഗീയയ്ക്കും 350 പേര്ക്കുമെതിരെ കേസെടുത്തതെന്ന് സന്യോഗിതാംഗംജ് പൊലീസ് ഇന്സ്പെക്ടര് നരേന്ദ്രസിംഗ് രഘുവംശി പറഞ്ഞതായി 'ദ ഹിന്ദു' റിപ്പോര്ട്ട് ചെയ്തു.
അനുമതിയില്ലാതെ യോഗം ചേരല്, കലാപത്തിനാഹ്വാനം ചെയ്ത് പ്രകോപനപരമായി പ്രസംഗിക്കല്, സര്ക്കാര് ഉദ്യോഗസ്ഥരുടെ നിര്ദ്ദേശം പാലിക്കാതിരിക്കല്, ഭീഷണിപ്പെടുത്തല് എന്നീ വകുപ്പുകള് പ്രകാരമാണ് കേസെടുത്തിരിക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam