വനിതാ പൊലീസ് ഉദ്യോഗസ്ഥയെ അസഭ്യം പറഞ്ഞതായി പരാതി; ബിജെപി എംഎല്എ അറസ്റ്റില്
Synopsis
പൊതുപരിപാടിയില് കൃത്യനിര്വ്വഹണത്തിനിടെ വനിതാ പൊലീസ് ഉദ്യോഗസ്ഥയെ അസഭ്യം പറഞ്ഞ ബിജെപി എംഎല്എ അറസ്റ്റില്.
നാഗ്പുര്: വനിതാ പൊലീസ് ഉദ്യോഗസ്ഥയെ അസഭ്യം പറഞ്ഞെന്ന പരാതിയില് ബിജെപി എംഎല്എ അറസ്റ്റില്. ശനിയാഴ്ചയാണ് ബാന്ദ്ര ജില്ലയിലെ തംസാര് മണ്ഡലത്തിലെ എംഎല്എ ചരണ് വാഘ്മാരെ അറസ്റ്റിലായത്.
സെപ്തംബര് 16-നാണ് കേസിനാസ്പദമായ സംഭവം. എംഎല്എ പങ്കെടുത്ത ഒരു പൊതുപരിപാടിയില് ഔദ്യോഗിക കൃത്യനിര്വ്വഹണത്തിലായിരുന്നു പൊലീസുകാരി. പരിപാടിക്കിടെ ചരണ് വാഘ്മാരെയും വനിതാ പൊലീസ് ഉദ്യോഗസ്ഥയും തമ്മില് തര്ക്കമുണ്ടായി. തര്ക്കത്തിനിടെ ചരണ് അസഭ്യം പറഞ്ഞെന്ന് ചൂണ്ടിക്കാട്ടി പൊലീസുകാരി തുംസാര് പൊലീസ് സ്റ്റേഷനില് പരാതി നല്കുകയായിരുന്നെന്ന് എന്ഡിടിവി റിപ്പോര്ട്ട് ചെയ്തു. സെപ്തംബര് 18 നാണ് പരാതി നല്കിയത്. പരാതിയുടെ അടിസ്ഥാനത്തില് എംഎല്എയെ പൊലീസ് അറസ്റ്റ് ചെയ്തു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam