ഗുജറാത്തില് തൂക്കുപാലം തകര്ന്നു, നൂറിലേറെ പേര് പുഴയില് വീണു, 10 മരണം
Synopsis
അഞ്ചുദിവസം മുന്പ് പുനര്നിര്മ്മാണം നടത്തിയ പാലമാണ് തകര്ന്നത്. പാലം തകരുമ്പോൾ അഞ്ഞൂറിലേറെ പേർ പാലത്തിലുണ്ടായിരുന്നു.
അഹമ്മദാബാദ്: ഗുജറാത്തിലെ മോര്ബിയില് തൂക്കുപാലം തകര്ന്ന് അപകടം. പത്തുമരണം. മരണ സംഖ്യ ഇനിയും ഉയർന്നേക്കും. അഞ്ചുദിവസം മുന്പ് പുനര്നിര്മ്മാണം നടത്തിയ പാലമാണ് തകര്ന്നുവീണത്. നൂറിലേറെ പേര് പുഴയില് വീണെന്നാണ് വിവരം. പാലം തകരുമ്പോൾ അഞ്ഞൂറിലേറെ പേർ പാലത്തിലുണ്ടായിരുന്നു. 26 ന് ഗുജറാത്തി പുതുവത്സര ദിനത്തിലാണ് വീണ്ടും പാലം തുറന്നുകൊടുത്തത്. രക്ഷാപ്രവർത്തനം തുടരുകയാണ്. രക്ഷാപ്രവർത്തനം വേഗത്തിലാക്കാൻ പ്രധാനമന്ത്രി നിർദ്ദേശം നൽകി. മരണപ്പെട്ടവരുടെ കുടുംബാംഗങ്ങൾക്ക് സംസ്ഥാന സർക്കാർ നാലുലക്ഷം രൂപ സഹായധനം പ്രഖ്യാപിച്ചു. ഗുജറാത്ത് മുഖ്യമന്ത്രി ഭൂപേന്ദ്ര പട്ടേൽ മോർബിയിലേക്ക് തിരിച്ചു.
Read more Articles on