കോഴിക്കോട് റെഡ് സോണില്, നിയന്ത്രണങ്ങള് തുടരും; ഓര്മ്മിപ്പിച്ച് കളക്ടര്
Synopsis
കാസര്ഗോഡ്, കണ്ണൂര്, കോഴിക്കോട്, മലപ്പുറം ജില്ലകളാണ് റെഡ് സോണ് മേഖലകളില് ഉള്ളത്.
കോഴിക്കോട്: റെഡ് സോണിലായതിനാല് കോഴിക്കോട് ജില്ലയില് നിലവിലെ നിയന്ത്രണങ്ങള് തുടരുമെന്ന് ജില്ലാ കളക്ടര് സാംബശിവറാവു. സംസ്ഥാനത്ത് ലോക്ക് ഡൗണ് ഇളവുകള് പ്രഖ്യാപിച്ചെങ്കിലും റെഡ് സോണില് ഉള്പ്പെട്ട ജില്ലകള്ക്ക് ഇത് ബാധകമല്ല. ഇവിടങ്ങളില് നിലവിലെ ലോക്ക് ഡൗണ് തുടരാനാണ് തീരുമാനം. കാസര്ഗോഡ്, കണ്ണൂര്, കോഴിക്കോട്, മലപ്പുറം ജില്ലകളാണ് റെഡ് സോണ് മേഖലകളില് ഉള്ളത്.
ഗ്രീൻ, ഓറഞ്ച് ബി മേഖലകളിലാണ് നാളെ മുതല് ഇളവുകളുണ്ടാവുക. ഗ്രീൻ മേഖലയില് കോട്ടയം, ഇടുക്കി ജില്ലകളും ഓറഞ്ച് ബി മേഖലയില് ആലപ്പുഴ, തിരുവനന്തപുരം, പാലക്കാട്, വയനാട്, തൃശൂര് ജില്ലകളുമാണ് ഉള്പ്പെടുത്തിയിരിക്കുന്നത്. നാളെ ഒറ്റ അക്ക നമ്പര് വാഹനങ്ങള് നിരത്തിലിറക്കാമെന്നും സംസ്ഥാന പൊലീസ് മേധാവി ലോക്നാഥ് ബെഹ്റ അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam