പാര്‍ലമെന്‍റ് പ്രസംഗത്തിനിടെ കോണ്‍ഗ്രസ് മുന്‍ പ്രസിഡന്‍റ് രാഹുല്‍ ഗാന്ധി പ്രധാനമന്ത്രി നരേന്ദ്രമോദിയെ കെട്ടിപ്പിടിച്ചിരുന്നു. ഇതിന്‍റെ വീഡിയോ ആണ് കോണ്‍ഗ്രസ് ഇപ്പോള്‍ ട്വിറ്ററിലൂടെ പങ്കുവച്ചിരിക്കുന്നത്.
ദില്ലി: ഏപ്രില്‍ ഏഴ് മുതല്‍ 14 വരെ പ്രണയിക്കുന്നവരുടെ ദിവസങ്ങളാണ്. വാലന്‍റൈന്‍സ് ഡേ ആഘോഷം ലോകമെമ്പാടും കൊണ്ടാടുന്നതിനിടെ ഹഗ് ഡേ ആയ ഇന്ന് ബിജെപിയ്ക്ക് ആശംസയറിയിച്ച് കോണ്‍ഗ്രസ്. ദില്ലി തെരഞ്ഞെടുപ്പില്‍ പരാജയത്തിന്‍റെ കൈപ്പറിഞ്ഞിരിക്കെയാണ് ബിജെപിയെ ട്രോളി കോണ്‍ഗ്രസിന്‍റെ ട്വീറ്റ്.
പാര്‍ലമെന്‍റ് പ്രസംഗത്തിനിടെ കോണ്‍ഗ്രസ് മുന്‍ പ്രസിഡന്‍റ് രാഹുല്‍ ഗാന്ധി പ്രധാനമന്ത്രി നരേന്ദ്രമോദിയെ കെട്ടിപ്പിടിച്ചിരുന്നു. ഇതിന്‍റെ വീഡിയോ ആണ് കോണ്‍ഗ്രസ് ഇപ്പോള്‍ ട്വിറ്ററിലൂടെ പങ്കുവച്ചിരിക്കുന്നത്. ''ബിജെപിക്ക് ഒരേ മെസ്സേജ് തന്നെയാാണ് എല്ലാവര്‍ഷവും. കെട്ടിപ്പിടിക്കൂ, വെറുക്കാതിരിക്കൂ. #HugDay'' - കോണ്‍ഗ്രസിന്‍റെ ഔദ്യോഗിക ട്വിറ്റര്‍ അക്കൗണ്ടില്‍ നിന്ന് ട്വീറ്റ് ചെയ്തു.
Same message to BJP every year. Hug don't Hate. pic.twitter.com/3yXCzOZzCn
— Congress (@INCIndia)''പാപത്തെ വെറുക്കൂ, പാപിയെ സ്നേഹിക്കൂ'' - മഹാത്മാ ഗാന്ധിയുടെ വാക്കുകള്‍കൂടി ചേര്‍ത്താണ് വീഡിയോ പങ്കുവച്ചിരിക്കുന്നത്. കഴിഞ്ഞ വര്‍ഷവും ഇതേ വീഡിയോ ഇതേ ദിവസം കോണ്‍ഗ്രസ് പങ്കുവച്ചിരുന്നു.