രാജസ്ഥാനിലെ കോട്ടയിൽ കുടുങ്ങിയ മലയാളി വിദ്യാർത്ഥികൾ കേരളത്തിലേക്ക് മടങ്ങി

പ്രവേശന പരീക്ഷാ പരിശീലനത്തിന് പ്രസിദ്ധമാണ് രാജസ്ഥാനിലെ കോട്ട. നിരവധി സംസ്ഥാനങ്ങളിലെ വിദ്യാർത്ഥികൾ ഇവിടെ ലോക്ക് ഡൗണിനെ തുടർന്ന് കുടുങ്ങിയിരുന്നു

ജയ്പൂർ: രാജസ്ഥാനിലെ കോട്ടയിൽ കുടുങ്ങിയ മലയാളി വിദ്യാർത്ഥികൾ കേരളത്തിലേക്ക് മടങ്ങി. ബസിലാണ് വിദ്യാർത്ഥികൾ നാട്ടിലേക്ക് മടങ്ങുന്നത്. 26 വി‍ദ്യാർത്ഥികളാണ് സംഘത്തിൽ ഉള്ളത്. ഇവർ മറ്റന്നാൾ കേരളത്തിൽ എത്തും. പ്രവേശന പരീക്ഷാ പരിശീലനത്തിന് പ്രസിദ്ധമാണ് രാജസ്ഥാനിലെ കോട്ട. നിരവധി സംസ്ഥാനങ്ങളിലെ വിദ്യാർത്ഥികൾ ഇവിടെ ലോക്ക് ഡൗണിനെ തുടർന്ന് കുടുങ്ങിയിരുന്നു. ഇവരെ നാട്ടിലേക്ക് എത്തിക്കണമെന്നാവശ്യപ്പെട്ട് ശശി തരൂർ എം പി അടക്കമുള്ളവർ മുഖ്യമന്ത്രിക്ക് കത്തയച്ചിരുന്നു.