കൊവിഡ് ബാധിതനായ എ കെ ആന്‍റണിയെ ആശുപത്രിയിലാക്കി, നിരീക്ഷണത്തിൽ

എ കെ ആന്‍റണിയുടെ ഭാര്യ എലിസബത്തിന് ഇന്നലെ കൊവിഡ് സ്ഥിരീകരിച്ചിരുന്നു. ഇന്ന് കൊവിഡ് സ്ഥിരീകരിച്ചതിനെത്തുടർന്ന് വീട്ടിൽ നിരീക്ഷണത്തിലിരിക്കെയാണ് ആശുപത്രിയിലേക്ക് മാറ്റിയത്.

ദില്ലി: കൊവിഡ് സ്ഥീരീകരിച്ച മുതിര്‍ന്ന കോണ്‍ഗ്രസ് നേതാവും മുൻ പ്രതിരോധമന്ത്രിയുമായ എ കെ ആന്‍റണിയെ ദില്ലി എംയിസ് ആശുപത്രിയിലേക്ക് മാറ്റി. എംയിസിലെ ട്രോമ കെയറിലെ വാർഡിൽ നീരീക്ഷണത്തിലാണ് അദ്ദേഹം. നിലവിൽ അദ്ദേഹത്തിന്‍റെ ആരോഗ്യനില തൃപ്തികരമെന്ന് ഡോക്ടർമാർ അറിയിച്ചു. ഇന്നലെ നടന്ന പരിശോധനയിലാണ് കൊവിഡ് സ്ഥിരീകരിച്ചത്. എ കെ ആന്‍റണിയുടെ ഭാര്യ എലിസബത്ത് ആന്‍റണിക്ക് കഴിഞ്ഞ ദിവസം കൊവിഡ് സ്ഥിരീകരിച്ചിരുന്നു.

അദ്ദേഹത്തതിന്‍റെ മക്കൾ അടക്കമുള്ളവർ ക്വാറന്‍റീനിലാണ്. 79-കാരനായ ആന്‍റണി കോൺഗ്രസ് പ്രവർത്തക സമിതി യോഗത്തിലടക്കം പങ്കെടുക്കാൻ തയ്യാറായി ഇരിക്കുന്നതിനിടെയാണ് കൊവിഡ് സ്ഥിരീകരിച്ചത്.