കൊവിഡ് ലോക്ക് ഡൗൺ: തുറക്കുന്ന കേന്ദ്ര-സംസ്ഥാന സർക്കാർ സ്ഥാപനങ്ങൾ ഇവ

കേന്ദ്രസർക്കാരിന്റെയും കേന്ദ്ര ഭരണ പ്രദേശങ്ങളിലെയും സംസ്ഥാന സർക്കാരിന് കീഴിലുള്ള സ്ഥാപനങ്ങളിൽ ബഹുഭൂരിപക്ഷവും അടച്ചിടാനാണ് നിർദ്ദേശം

ദില്ലി: രാജ്യത്ത് കൊവിഡ് വ്യാപനം തടയാൻ ലോക്ക് ഡൗൺ പ്രഖ്യാപിച്ചതിന് പിന്നാലെ പുതിയ മാനദണ്ഡം കേന്ദ്ര സർക്കാർ പുറപ്പെടുവിച്ചു. ഇത് പ്രകാരം കേന്ദ്രസർക്കാരിന്റെയും കേന്ദ്ര ഭരണ പ്രദേശങ്ങളിലെയും സംസ്ഥാന സർക്കാരിന് കീഴിലുള്ള സ്ഥാപനങ്ങളിൽ ബഹുഭൂരിപക്ഷവും അടച്ചിടാനാണ് നിർദ്ദേശം.

തുറക്കുന്ന കേന്ദ്ര സർക്കാർ സ്ഥാപനങ്ങൾ

• പ്രതിരോധം, കേന്ദ്ര സായുധ സേനകൾ
• ട്രഷറി സ്ഥാപനങ്ങൾ (കുറച്ച് ജീവനക്കാർ മാത്രം)
• സിഎൻജി, എൽപിജി, പിഎൻജി തുടങ്ങിയ അവശ്യ സേവന വിഭാഗങ്ങൾ
• ദുരന്ത നിവാരണ സേന
• നാഷണൽ ഇൻഫോർമാറ്റിക്സ് സെന്റർ
• അതിർത്തിയിലും വിമാനത്താവളത്തിലും തുറമുഖങ്ങളിലെയും കസ്റ്റംസ് ക്ലിയറൻസ് കേന്ദ്രങ്ങൾ
• ജിഎസ്‌ടിഎൻ
• റിസർവ് ബാങ്ക് ഓഫ് ഇന്ത്യ
• ആർബിഐ നിയന്ത്രണത്തിലുള്ള സാമ്പത്തിക മാർക്കറ്റുകൾ

തുറന്ന് പ്രവർത്തിക്കുന്ന സംസ്ഥാന സർക്കാർ സ്ഥാപനങ്ങൾ

• പൊലീസ്, ഹോം ഗാർഡ്, ഫയർ ആന്റ് റസ്ക്യു സേനകൾ
• ജില്ലാ ഭരണകേന്ദ്രങ്ങൾ
• ട്രഷറികൾ
• വൈദ്യുതി, വാട്ടർ, സാനിറ്റേഷൻ
• തദ്ദേശ ഭരണ സ്ഥാപനങ്ങൾ