ദില്ലിയിലെ പൊലീസ് കോണ്സ്റ്റബിളിന്റെ മരണം; സാമ്പിള് കൊവിഡ് പരിശോധനക്കയച്ചു, സഹപ്രവര്ത്തകര് നിരീക്ഷണത്തില്
Synopsis
ഹരിയാനയിലെ സോനിപത്ത് സ്വദേശിയായ പൊലീസ് കോണ്സ്റ്റബിളിന് വടക്ക് കിഴക്കന് ദില്ലിയിലായിരുന്നു ഡ്യൂട്ടി
ദില്ലി: ദില്ലിയില് അനാരോഗ്യത്തെത്തുടര്ന്ന് ഡ്യൂട്ടിയിലുണ്ടായിരുന്ന പൊലീസ് കോണ്സ്റ്റബിള് മരിച്ചു. ഇയാളുടെ കൊവിഡ് 19 പരിശോധനാഫലം ലഭിക്കാനായി കാത്തിരിക്കുകയാണെന്ന് പൊലീസ് വ്യക്തമാക്കി.
ഹരിയാനയിലെ സോനിപത്ത് സ്വദേശിയായ 31 കാരനായ കോണ്സ്റ്റബിളിന് വടക്ക് കിഴക്കന് ദില്ലിയിലായിരുന്നു ഡ്യൂട്ടി. ചൊവ്വാഴ്ചയാണ് അദ്ദേഹത്തിന് പെട്ടന്ന് അസ്വസ്ഥത അനുഭവപ്പെട്ടത്. ഉടന് തന്നെ ആശുപത്രിയില് എത്തിച്ചു. രാം മനോഹര് ലോഹ്യാ ആശുപത്രിയില് വച്ചാണ് പൊലീസ് ഓഫീസര് മരിച്ചത്.
പൊലീസ് ഓഫീസറുടെ സാമ്പിളുകള് പരിശോധനയ്ക്കയച്ചിരുന്നു. ഇതിന്റെ ഫലം ലഭിക്കാനായി കാത്തിരിക്കുകയാണെന്ന് പൊലീസ് വ്യക്തമാക്കി. ഇദ്ദേഹവുമായി സമ്പര്ക്കത്തിലുണ്ടായിരുന്ന പൊലീസ് ഓഫീസര്മാര് ഇപ്പോള് വീട്ടില് നിരീക്ഷണത്തിലാണ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam