ദില്ലി ആരോഗ്യമന്ത്രിക്ക് കൊവിഡ് ഭേദമായി, ഇന്ന് ആശുപത്രി വിടും

ആരോഗ്യസ്ഥിതി മോശമായതിനെ നേരത്തെ ഇദ്ദേഹത്തെ പ്ലാസ്മ തെറാപ്പിക് വിധേയനാക്കിയിരുന്നു. 

ദില്ലി: ദില്ലി ആരോഗ്യമന്ത്രി സത്യേന്ദർ ജെയിന് കോവിഡ്‌ ഭേദമായി. പരിശോധന ഫലം നെഗറ്റീവ് ആയതോട ജെയിൻ ഇന്ന് ആശുപത്രി വിടും. ആരോഗ്യ സ്ഥിതി മോശമായതിനെ നേരത്തെ ഇദ്ദേഹത്തെ പ്ലാസ്മ തെറാപ്പിക് വിധേയനാക്കിയിരുന്നു. ശക്തമായ പനിയെയും ശ്വാസ തടസത്തെയും തുടർന്നാണ് ഈ മാസം 17 ന് സത്യേന്ദർ ജെയിനെ രാജീവ് ഗാന്ധി സൂപ്പർ സ്പെഷ്യാലിറ്റി ആശുപത്രിയിൽ പ്രവേശിപ്പിച്ചത്.

കോവിഡ് ലക്ഷണങ്ങളെ തുടർന്ന് നടത്തിയ പരിശോധനയിൽ ഫലം നെഗറ്റീവ് ആയിരുന്നെങ്കിലും പിന്നീട് വീണ്ടും പരിശോധിച്ചപ്പോള്‍ ഫലം പോസിറ്റീവാകുകയായിരുന്നു. ആഭ്യന്തര മന്ത്രി വിളിച്ച യോഗത്തിലും ജയിന്‍ പങ്കെടുത്തിരുന്നുവെന്നത് വലിയ ആശങ്കയുണ്ടാക്കിയിരുന്നു.