ജി പേ പ്രവർത്തിക്കുന്നത് അനുമതിയില്ലാതെയെന്ന് ഹര്‍ജി; റിസർവ് ബാങ്കിനും ​ഗൂ​ഗിളിനും നോട്ടീസ്

​ഗൂ​ഗിള്‍ പേയുടെ നിയമപരമായ ആധികാരികത ചോദ്യം ചെയ്ത് അഭിജിത് മിശ്ര എന്നയാളാണ് പൊതുതാൽപര്യ ഹര്‍ജി നൽകിയത്.

ദില്ലി: മതിയായ അനുമതിയില്ലാതെ എങ്ങനെയണ് ​ഗൂ​ഗിൾ പേ സാമ്പത്തിക ഇടപാടുകൾ നടത്താൻ സൗകര്യമൊരുക്കുന്നതെന്ന് ദില്ലി ഹൈകോടതി റിസർവ് ബാങ്കിനോട് ചോദിച്ചു. സംഭവത്തിൽ ​വിശദീകരണം ചോദിച്ച് ഗൂഗിള്‍  ഇന്ത്യക്കും റിസർവ് ബാങ്കിനും കോടതി നോട്ടീസ് അയച്ചു.

ചീഫ് ജസ‍റ്റിസ് രാജേന്ദ്ര മേനോൻ തലവനായ രണ്ടം​ഗ ബെഞ്ചാണ് പൊതുതാൽപര്യ ഹര്‍ജി പരി​ഗണിച്ചത്. ​ഗൂ​ഗിള്‍ പേയുടെ നിയമപരമായ ആധികാരികത ചോദ്യം ചെയ്ത് അഭിജിത് മിശ്ര എന്നയാളാണ് പൊതുതാൽപര്യ ഹര്‍ജി നൽകിയത്. റിസർവ് ബാങ്കിന്റെ അനുമതിയില്ലാതെയാണ് ​ഗൂഗിള്‍ പേ രാജ്യത്ത് പ്രവർത്തിക്കുന്നതെന്നും പെയ്മെന്റ് ആൻഡ് സെറ്റിൽമെന്റ് ആക്ടിന്റെ ലംഘനമാണ് ​ഗൂ​ഗ്ൾ പേയുടെ പ്രവർത്തനമെന്നും ഹര്‍ജിയിൽ പറയുന്നു.