
ദില്ലി: രാജ്യസഭയിലെ പ്രതിപക്ഷ നേതാവും മുതിർന്ന കോൺഗ്രസ് നേതാവുമായ ഗുലാം നബി ആസാദിനെ ജമ്മു കാശ്മീരിലെ ശ്രീനഗർ വിമാനത്താവളത്തിൽ തടഞ്ഞു. ഇദ്ദേഹത്തെ ഇന്ന് വൈകുന്നേരം തന്നെ വിമാനത്തിൽ ദില്ലിയിലേക്ക് തിരിച്ചയച്ചു.
വ്യാഴാഴ്ച രാവിലെയാണ് ഇദ്ദേഹം ശ്രീനഗറിലേക്ക് പുറപ്പെട്ടത്. ഇവിടെ കോൺഗ്രസ് നേതാക്കളോടും പ്രവർത്തകരോടും കൂടിക്കാഴ്ച നടത്താനായിരുന്നു ഇദ്ദേഹത്തിന്റെ വരവ്.
മോദി സർക്കാർ ജമ്മു കാശ്മീരിന്റെ പ്രത്യേക പദവി എടുത്തുകളഞ്ഞ പശ്ചാത്തലത്തിൽ സംസ്ഥാനത്തെ സ്ഥിതി ഗതികൾ വിലയിരുത്തുകയായിരുന്നു ലക്ഷ്യം.
മുൻപ് ജമ്മു കാശ്മീരിൽ മുഖ്യമന്ത്രിയായിരുന്നു ഗുലാം നബി ആസാദ്. 2005 നവംബർ മുതൽ 2008 ജൂലൈ വരെയാണ് ഇദ്ദേഹം ജമ്മു കാശ്മീരിന്റെ മുഖ്യമന്ത്രി പദം അലങ്കരിച്ചത്. ഇപ്പോൾ ജമ്മു കാശ്മീരിൽ നിന്നുള്ള രാജ്യസഭാംഗമാണ് ഇദ്ദേഹം.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam