ഗുജറാത്തില് പത്താംക്ലാസ് പരീക്ഷയില് കൂട്ടത്തോല്വി; എട്ടുനിലയില് പൊട്ടിയത് 63 സ്കൂളുകള്
Synopsis
8,22,823 വിദ്യാര്ത്ഥികള് എഴുതിയ പരീക്ഷയില് 5,51,023 വിദ്യാര്ത്ഥികള് മാത്രമാണ് ജയിച്ചത്.
ഗാന്ധിനഗര്: ഗുജറാത്തിലെ പത്താം ക്ലാസ് പരീക്ഷയില് കൂട്ടത്തോല്വി. ഗുജറാത്ത് സെക്കന്ഡറി ആന്ഡ് ഹയര്സെക്കന്ഡറി ബോര്ഡ് നടത്തിയ പരീക്ഷയില് 63 സ്കൂളുകളിലെ ഒരു വിദ്യാര്ത്ഥി പോലും വിജയിച്ചില്ല. ആകെ 66. 97 ശതമാനം വിദ്യാര്ത്ഥികളാണ് പരീക്ഷയില് വിജയിച്ചത്. കഴിഞ്ഞ തവണ വിജയശതമാനം 67.5 ആയിരുന്നു.
ചൊവ്വാഴ്ചയായിരുന്നു പരീക്ഷയുടെ ഫലപ്രഖ്യാപനം. 8,22,823 വിദ്യാര്ത്ഥികള് എഴുതിയ പരീക്ഷയില് 5,51,023 വിദ്യാര്ത്ഥികള് മാത്രമാണ് ജയിച്ചത്. ബോര്ഡ് ചെയര്മാന് എ ജെ ഷായാണ് പത്രസമ്മേളനത്തില് ഇക്കാര്യം വെളിപ്പെടുത്തിയത്. 366 സ്കൂളുകള് നൂറ് ശതമാനം വിജയം കൈവരിച്ചു. ഇംഗ്ലീഷ് മീഡിയം സ്കൂളുകളില് 88.11 ശതമാനം വിദ്യാര്ത്ഥികള് വിജയിച്ചു. ഹിന്ദി മീഡിയം സ്കൂളുകളില് 72.66 ആണ് വിജയശതമാനം.
അതേസമയം ഗുജറാത്തി മീഡിയം സ്കൂളുകളില് 64.58 ശതമാനം വിദ്യാര്ത്ഥികള് മാത്രമാണ് വിജയിച്ചത്. സൂറത്തില് 79.63 ശതമാനം വിദ്യാര്ത്ഥികളാണ് വിജയിച്ചത്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam