Hologram Statue of Netaj​​​i : നേതാജിയുടെ ഹോളോ​ഗ്രാം പ്രതിമ ജനുവരി 23ന് സമ‍ർപ്പിക്കുമെന്ന് പ്രധാനന്ത്രി

നേതാജിയുടെ മഹാ പ്രതിമ പൂർത്തിയാക്കുന്നതുവരെ അതേ സ്ഥലത്ത് ഹോളോ​ഗ്രാം പ്രതിമയുണ്ടായിരിക്കുമെന്ന് പ്രധാനമന്ത്രി

ദില്ലി: നേതാജി സുഭാഷ് ചന്ദ്രബോസിന്റെ (Netaji Subhash Chandra Bose ) ഹോളോ​ഗ്രാം പ്രതിമ (Hologram Statue) ജനുവരി 23 ഞായറാഴ്ച പ്രധാനമന്ത്രി നരേന്ദ്രമോദി (Narendra Modi) ജനങ്ങൾക്കായി സമർപ്പിക്കും. നേതാജിയുടെ ജന്മവാ‍ർഷിക ദിവസമാണ് ജനുവരി 23. ഗ്രാനൈറ്റിൽ നിർമ്മിക്കുന്ന,  നേതാജിയുടെ മഹാ പ്രതിമ പൂർത്തിയാക്കുന്നതുവരെ അതേ സ്ഥലത്ത് ഹോളോ​ഗ്രാം പ്രതിമയുണ്ടായിരിക്കുമെന്നാണ് പ്രധാനമന്ത്രി ട്വീറ്റ് ചെയ്തത്. 28 അടി ഉയരത്തിലാണ് നേതാജിയുടെ പ്രതിമ ഒരുങ്ങുന്നത്. പ്രതിമയ്ക്ക് 6 അടി വീതിയും ഉണ്ടായിരിക്കും. ഇന്ത്യാഗേറ്റിലാണ് പ്രതിമ നിർമ്മിക്കുന്നത്. 125ാം ജന്മ വാർഷികത്തോടനുബന്ധിച്ചാണ് ഹോളോഗ്രാം പ്രതിമ ഒരുക്കിയിരിക്കുന്നത്. 1897 ജനുവരി 23നായിരുന്നു നേതാജിയുടെ ജനനം.