പാക്കിസ്ഥാനിലേക്കുള്ള താര് എക്സ്പ്രസിന്റെ സര്വ്വീസ് ഇന്ത്യ നിര്ത്തിവെച്ചു
Synopsis
ഇനിയൊരു അറിയിപ്പുണ്ടാകുന്നതുവരേയും കറാച്ചിയിലേക്കുള്ള താര് എക്സ്പ്രസ് സര്വ്വീസ് നടത്തില്ല.
ദില്ലി: രാജസ്ഥാനിലെ ജോധ്പൂരിനെയും പാക്കിസ്ഥാനിലെ കറാച്ചിയേയും ബന്ധിപ്പിക്കുന്ന താര് എക്സ്പ്രസിന്റെ സര്വ്വീസ് ഇന്ത്യ നിര്ത്തിവെച്ചു. ഇനിയൊരു അറിയിപ്പുണ്ടാകുന്നതുവരേയും കറാച്ചിയിലേക്കുള്ള താര് എക്സ്പ്രസ് സര്വ്വീസ് നടത്തില്ലെന്നും ഇന്നത്തെ സര്വ്വീസ് ഉള്പ്പെടെ റദ്ദാക്കിയതായും നോര്ത്ത് വെസ്റ്റേണ് റെയില്വേ പബ്ലിക് റിലേഷന്സ് ഓഫീസര് വ്യക്തമാക്കി.
കഴിഞ്ഞ ഓഗസ്റ്റ് 9 തിന് ജോധ്പൂരിലേക്കുള്ള സര്വ്വീസ് പാക്കിസ്ഥാന് റദ്ദാക്കിയിരുന്നു. കശ്മീരിന് പ്രത്യേകപദവി നല്കുന്ന ആര്ട്ടിക്കിള് 370 റദ്ദാക്കിയതിന് പിന്നാലെയായിരുന്നു നടപടി. വെളളിയാഴ്ചതോറും ജോധ്പൂരില് നിന്നും കറാച്ചിയിലേക്ക് സര്വ്വീസ് നടത്തുന്ന താര് എക്സ്പ്രസ് പുല്വാമ ഭീകരാക്രമണത്തിന് ശേഷവും ഇന്ത്യ റദ്ദാക്കിയിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam