മധ്യപ്രദേശിൽ കോൺഗ്രസിന് തിരിച്ചടി; അക്ഷയ് കാന്തി ബാം നാമനിർദേശ പത്രിക പിൻവലിച്ചു; ബിജെപിയിൽ ചേർന്നേക്കും
Synopsis
അക്ഷയ് കാന്തി ബാം ബിജെപിയില് ചേര്ന്നേക്കും. ഇദ്ദേഹത്തിന് പിന്നാലെ കൂടുതല് സ്ഥാനാര്ത്ഥികള് പത്രിക പിന്വലിക്കുമെന്ന് സൂചനയുണ്ട്.
ഭോപ്പാൽ: സൂറത്ത് മോഡല് മധ്യപ്രദേശിലെ ഇന്ഡോറിലും നടന്നേക്കും. ഇൻഡോറിലെ കോണ്ഗ്രസ് സ്ഥാനാര്ത്ഥി അക്ഷയ് കാന്തി ബാം നാമനിര്ദ്ദേശ പത്രിക പിന്വലിച്ചു. ബിജെപി എംഎല്എ രമേഷ് മെന്ഡേലക്കൊപ്പമെത്തിയാണ് ബാം നാമനിര്ദ്ദേശ പത്രിക പിന്വലിച്ചത്. അക്ഷയ് കാന്തി ബാം ബിജെപിയില് ചേര്ന്നേക്കുമെന്നും ഇദ്ദേഹത്തിന് പിന്നാലെ കൂടുതല് സ്ഥാനാര്ത്ഥികള് പത്രിക പിന്വലിക്കുമെന്നും സൂചനകള് പുറത്തുവരുന്നുണ്ട്. ഒപ്പം പഞ്ചാബിലെ 4 മണ്ഡലങ്ങളിലെ സ്ഥാനാർത്ഥികളെ കൂടി കോൺഗ്രസ് പ്രഖ്യാപിച്ചു. പിസിസി അധ്യക്ഷൻ അമരീന്ദർ സിംഗ് ബ്രാർ ലുധിയാനയിൽ മത്സരിക്കും.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam