മെട്രോയിൽ യുവതിയുടേയും യുവാവിന്റേയും പ്രണയ സല്ലാപം, വീഡിയോ വൈറൽ; പ്രതികരിച്ച് പൊലീസ്

നമ്മ മെട്രോയിൽ എന്താണ് സംഭവിക്കുന്നത്, പതുക്കെ ബാംഗ്ലൂർ മെട്രോ ദില്ലി മെട്രോയായി മാറുകയാണ്. ഇവർക്കെതിരെ എന്തെങ്കിലും നടപടിയെടുക്കണമെന്നും പെൺകുട്ടി ആൺകുട്ടിയെ ചുംബിക്കുകയാണെന്നും സിറ്റി പൊലീസിനേയും മെട്രോ അധികൃതരേയും ടാ​ഗ് ചെയ്തു കൊണ്ട് യാത്രക്കാരൻ പോസ്റ്റ് ചെയ്തു. 

ബെം​ഗളൂരു: സാമൂഹ്യമാധ്യമങ്ങളിൽ വൈറലായ ബെം​ഗളൂരു മെട്രോയിലെ പ്രണയിനികളുടെ അടുത്തിടപഴകിയുള്ള ദൃശ്യങ്ങളോട് പ്രതികരിച്ച് പൊലീസ്. ദൃശ്യങ്ങൾ പങ്കുവെച്ച് ഇവർക്കെതിരെ കേസെടുക്കണമെന്നാണ് യാത്രക്കാരൻ ആവശ്യപ്പെട്ടത്. അതിനിടെ, സാമൂഹ്യമാധ്യമമായ എക്സിൽ പങ്കുവെച്ച ദൃശ്യത്തോട് പ്രതികരിച്ച് ബെം​ഗളൂരു പൊലീസ് രം​ഗത്തെത്തി. 

നമ്മ മെട്രോയിൽ എന്താണ് സംഭവിക്കുന്നത്, പതുക്കെ ബാംഗ്ലൂർ മെട്രോ ദില്ലി മെട്രോയായി മാറുകയാണ്. ഇവർക്കെതിരെ എന്തെങ്കിലും നടപടിയെടുക്കണമെന്നും പെൺകുട്ടി ആൺകുട്ടിയെ ചുംബിക്കുകയാണെന്നും സിറ്റി പൊലീസിനേയും മെട്രോ അധികൃതരേയും ടാ​ഗ് ചെയ്തു കൊണ്ട് യാത്രക്കാരൻ പോസ്റ്റ് ചെയ്തു. എന്നാൽ വീഡിയോ പ്രചരിച്ചതോടെ അനുകൂലിച്ചും പ്രതികൂലിച്ചും നിരവധി പേരാണ് രം​ഗത്തെത്തിയത്. അതിനിടെ, ദൃശ്യങ്ങളോട് പ്രതികരിച്ച് സിറ്റി പൊലീസും രം​ഗത്തെത്തി. നിങ്ങളുടെ പരാതി ശ്രദ്ധയിൽ പെട്ടിട്ടുണ്ടെന്നും ദയവായി നിങ്ങളുടെ കോൺടാക്റ്റ് നമ്പർ മെസേജ് ചെയ്യൂവെന്നുമാണ് പൊലീസ് പ്രതികരിച്ചത്. 

ദൃശ്യങ്ങളോട് ചിലർ രോഷം പ്രകടിപ്പിച്ചപ്പോൾ മറ്റു ചിലർ പൊതു ഇടങ്ങളോടുള്ള മര്യാദയും ബഹുമാനവും നിലനിർത്തേണ്ടതിൻ്റെ ആവശ്യകതയെക്കുറിച്ചും പരാമർശിക്കുന്നുണ്ട്. എന്നാൽ മറ്റുള്ളവർ വ്യക്തികളുടെ സമ്മതമില്ലാതെ വീഡിയോ ചിത്രീകരിച്ചതിനെ ചോദ്യം ചെയ്തപ്പോൾ സെക്യൂരിറ്റിയും ഉദ്യോഗസ്ഥരും ഇത്തരം ആളുകൾക്കെതിരെ നടപടിയെടുക്കണമെന്നും ചിലർ ആവശ്യപ്പെട്ടു. അതേസമയം, വീഡിയോ എപ്പോൾ, എവിടെ വെച്ച് ചിത്രീകരിച്ചതാണെന്ന് വ്യക്തമല്ല.

https://www.youtube.com/watch?v=Ko18SgceYX8