പായല് തഡ്വിയുടെ മരണം; അറസ്റ്റിലായ വനിതാ ഡോക്ടര്മാരുടെ ജുഡീഷ്യല് കസ്റ്റഡി ജൂണ് 21വരെ നീട്ടി
Synopsis
മുംബൈയിലെ ബിവൈഎല് നായര് ആശുപത്രിയിലെ രണ്ടാംവര്ഷ ഗൈനക്കോളജി പിജി വിദ്യാര്ത്ഥിനിയായ പായല് ജാതിപീഡനത്തില് മനംനൊന്ത് മേയ് 22 നാണ് ജീവനൊടുക്കിയത്.
മുംബൈ: ജാതി പീഡനത്തെ തുടര്ന്ന് ഡോക്ടര് പായല് തഡ്വി ആത്മഹത്യ ചെയ്ത കേസില് അറസ്റ്റിലായ വനിതാ ഡോക്ടര്മാരുടെ ജുഡീഷ്യല് കസ്റ്റഡി 11 ദിവസത്തേക്ക് കൂടി നീട്ടി. പായലിന്റെ സീനിയേര്സ് ആയിരുന്ന ഹേമ അഹൂജ, ഭക്തി മെഹ്റ, അങ്കിത ഖണ്ഡേവാള് എന്നിവരുടെ ജുഡീഷ്യല് കസ്റ്റഡിയുടെ കാലാവധി ജൂണ് 10 ന് അവസാനിച്ചിരുന്നു. എന്നാല് കോടതി ഇവരുടെ ജുഡീഷ്യല് കസ്റ്റഡി കാലാവധി ജൂണ് 21 വരെ നീട്ടിയിരിക്കുകയാണ്.മുംബൈയിലെ ബിവൈഎല് നായര് ആശുപത്രിയിലെ രണ്ടാംവര്ഷ ഗൈനക്കോളജി പിജി വിദ്യാര്ത്ഥിനിയായ പായല് ജാതിപീഡനത്തില് മനംനൊന്ത് മേയ് 22 നാണ് ജീവനൊടുക്കിയത്.
2018 മെയ് മാസം ഒന്നാം തിയതിയാണ് പായല് പി ജി പഠനത്തിനായി ബിവൈഎല് നായര് ആശുപത്രിയിലെ ടോപ്പിവാല നാഷണല് മെഡിക്കല് കോളേജില് ചേര്ന്നത്. 2018 ഡിസംബര് മാസത്തിലാണ് ജാതി അധിക്ഷേപം സഹിക്കാനാകുന്നില്ലെന്ന് പായല് വീട്ടുകാരോട് പരാതി പറഞ്ഞത്. പീഡനം കടുത്തതോടെ പായല് ഹോസ്റ്റര് വാര്ഡനോടും അധ്യാപകര് അടക്കമുള്ളവരോടും പരാതി പറഞ്ഞു. തുടര്ന്ന് റാഗിംഗ് നടത്തിയിരുന്ന 3 വിദ്യാര്ത്ഥികളെയും വിളിച്ചു വരുത്തി അധികൃതര് ശാസിച്ചു. പക്ഷെ റാംഗിംഗിന് കുറവുണ്ടായില്ല. റിസര്വേഷന് ക്വാട്ടയിലൂടെ പ്രവേശനം നേടിയതിന് പായലിനെ മൂന്നുപേരും അധിക്ഷേപിച്ചിരുന്നതായ് പായലിന്റെ ഭര്ത്താവ് സല്മാനും വ്യക്തമാക്കിയിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam