രാഹുൽ ​ഗാന്ധിയുമായി കൂടിക്കാഴ്ച നടത്തി കർണാടക മുഖ്യമന്ത്രി സിദ്ധരാമയ്യ

കൂടുതൽ ഉപമുഖ്യമന്ത്രിമാരെത്തിയാൽ മുഖ്യമന്ത്രി സ്ഥാനം ശിവകുമാറിന് നൽകണമെന്നാണ് ഡികെ പക്ഷത്തിന്റെ ആവശ്യം. തർക്കം മുറുകിയ സാഹചര്യത്തിലാണ് ഹൈക്കമാൻഡ് വിഷയത്തിൽ നേരിട്ട് ഇടപെട്ടത്. 

ദില്ലി: കർണാടക മുഖ്യമന്ത്രി സിദ്ധരാമയ്യ ദില്ലിയിൽ രാഹുൽ ഗാന്ധിയുമായി കൂടിക്കാഴ്ച നടത്തി. മുഖ്യമന്ത്രി പദവി കൈമാറണമെന്ന ആവശ്യം ചില എംഎൽഎമാർ ഉയർത്തിയത് വിവാദമായ പശ്ചാത്തലത്തിലാണ് കൂടിക്കാഴ്ച. ഉപമുഖ്യമന്ത്രി സ്ഥാനത്തേക്ക് കൂടുതൽ പേരെ എത്തിക്കണമെന്ന ആവശ്യം സിദ്ധരാമയ്യ ക്യാമ്പും മുന്നോട്ട് വെച്ചിരുന്നു.

ലിംഗായത്, ദളിത്, ആദിവാസി വിഭാഗങ്ങളിൽ നിന്നുമുള്ളവർക്ക് ഉപമുഖ്യമന്ത്രി പദം നൽകണമെന്നായിരുന്നു ആവശ്യമുയർന്നത്. ഏക ഉപമുഖ്യമന്ത്രിയായ ഡികെ ശിവകുമാറിനെ ലക്ഷ്യമിട്ടാണ് ഈ നീക്കം. കൂടുതൽ ഉപമുഖ്യമന്ത്രിമാരെത്തിയാൽ മുഖ്യമന്ത്രി സ്ഥാനം ശിവകുമാറിന് നൽകണമെന്നാണ് ഡികെ പക്ഷത്തിന്റെ ആവശ്യം. തർക്കം മുറുകിയ സാഹചര്യത്തിലാണ് ഹൈക്കമാൻഡ് വിഷയത്തിൽ നേരിട്ട് ഇടപെട്ടത്.