കർണാടക മുഖ്യമന്ത്രിയെ തീരുമാനിക്കുക ദില്ലിയിൽ? സമവായമില്ലാത്തത് പ്രതിസന്ധി; നിരീക്ഷകരെ വെച്ചു

ഇന്ന് വൈകുന്നേരം 5.30 നാണ് കോൺ​ഗ്രസ് പാർലമെന്ററി പാർട്ടിയുടെ യോ​ഗം ചേരുക. 

ബെം​ഗളൂരു: കർണാടകയിൽ മുഖ്യമന്ത്രി ആരാണെന്ന തീരുമാനം ഇന്നുണ്ടായേക്കില്ല. ഇക്കാര്യത്തിൽ ദില്ലിയിലാകും തീരുമാനമുണ്ടാകുക എന്നാണ് വിവരം. മുഖ്യമന്ത്രി സ്ഥാനത്തിനായി ഡി കെ ശിവകുമാർ കരുനീക്കം ശക്തമാക്കിയതോടെയാണ് ഇത്. ഇന്നത്തെ നിയമസഭ കക്ഷി യോ​ഗത്തിൽ സമവായമുണ്ടാകില്ലെന്ന് ഉറപ്പായതോടെ  ഹൈക്കമാന്റ് മൂന്ന് നിരീക്ഷകരെ സംസ്ഥാനത്ത് ചുമതലപ്പെടുത്തി.

സുശീൽ കുമാർ ഷിണ്ടെ, ജിതേന്ദ്ര സിംഗ്‌, ദീപക്‌ ബാബറിയ എന്നിവർ വൈകിട്ടോടെ ബെം​ഗളൂരുവിലെത്തും. കർണാടകത്തിൽ മുഖ്യമന്ത്രി ആരെന്നുള്ള തീരുമാനം കുറഞ്ഞത് രണ്ടോ മൂന്നോ ദിവസം നീളാൻ സാധ്യതയുണ്ട്. തീരുമാനം പ്രഖ്യാപിക്കുന്നത് ദില്ലിയിൽ തന്നെ ആയിരിക്കും എന്നാണ് ഒടുവിൽ പുറത്തുവരുന്ന സൂചനകളും. ഇന്ന് വൈകുന്നേരം 5.30 നാണ് കോൺ​ഗ്രസ് പാർലമെന്ററി പാർട്ടിയുടെ യോ​ഗം ചേരുക.