Mullaperiyar : മുല്ലപ്പെരിയാർ, റൂൾ കർവ് അടക്കം നാല് വിഷയങ്ങളിൽ കേരളവും തമിഴ്നാടും യോജിപ്പിൽ
Synopsis
റൂള് കർവ്, ഗെയ്റ്റ് ഓപ്പറേഷൻ അടക്കമുള്ള നാല് വിഷയങ്ങള് പരിഗണിക്കുന്നതില് ഇരു സംസ്ഥാനങ്ങള്ക്കും യോജിപ്പുണ്ട്.
ദില്ലി: മുല്ലപ്പെരിയാർ ഹർജികളില് (Mullaperiyar Dam Rule) സുപ്രീംകോടതി പരിഗണിക്കേണ്ട വിഷയങ്ങള് സംബന്ധിച്ച് ഉന്നതതല യോഗത്തില് തീരുമാനം. കേരളത്തിനും തമിഴ്നാടിനും യോജിപ്പും വിയോജിപ്പുമുള്ള വിഷയങ്ങള് പ്രത്യേകം സുപ്രീംകോടതിയെ അറിയിക്കും. റൂള് കർവ്, ഗെയ്റ്റ് ഓപ്പറേഷൻ അടക്കമുള്ള നാല് വിഷയങ്ങള് പരിഗണിക്കുന്നതില് ഇരു സംസ്ഥാനങ്ങള്ക്കും യോജിപ്പുണ്ട്.
അതേസമയം, സുരക്ഷ അടക്കമുള്ള വിയോജിപ്പുള്ള വിഷയങ്ങള് പ്രത്യേകം കോടതി അറിയിക്കാനും തീരുമാനമായി. കേരളത്തിലെയും തമിഴ്നാട്ടിലെയും അഭിഭാഷകരും ബന്ധപ്പെട്ട ഉദ്യോഗസ്ഥരും യോഗത്തില് പങ്കെടുത്തു. എന്നാല് കേന്ദ്ര പ്രതിനിധി യോഗത്തില് പങ്കെടുത്തില്ല. ഫെബ്രുവരി രണ്ടാം വാരം അന്തിമവാദം ആരംഭിക്കാനിരിക്കെ സുപ്രീംകോടതി നിര്ദേശപ്രകാരമാണ് പരിഗണന വിഷയങ്ങളില് തീരുമാനമെടുത്തത്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam