99 രൂപ മാത്രം, തെരഞ്ഞെടുപ്പ് ഫലം ബിഗ് സ്ക്രീനിൽ കാണാം; മഹാരാഷ്ട്രയിൽ തിയേറ്ററുകളിൽ സജീകരണമൊരുക്കി മൂവി മാക്സ്

മൂവി മാക്സിന്റെ തിയേറ്ററുകളിലാണ് ലോക്സഭാ തെരഞ്ഞെടുപ്പ് ഫലം ലൈവായി കാണാനുളള സൗകര്യം ഒരുക്കുന്നത്. 99 രൂപയാണ് ടിക്കറ്റ് നിരക്ക്.  

ദില്ലി : രാജ്യം കാത്തിരിക്കുന്ന ലോക്സഭാ തെരഞ്ഞെടുപ്പ് ഫലം ഇത്തവണ ബിഗ് സ്ക്രീനിലും കാണാം. മഹാരാഷ്ട്രയിലെ വിവിധ തിയേറ്ററുകളിൽ ലോക്സഭ തെരഞ്ഞെടുപ്പ് ഫലം ലൈവ് ആയി പ്രദർശിപ്പിക്കും. ഫലപ്രഖ്യാപനം വരുന്ന ജൂൺ നാലിന് രാവിലെ 9 മുതൽ 3 വരെയാണ് പ്രദർശനമൊരുക്കുന്നത്. മൂവി മാക്സിന്റെ തിയേറ്ററുകളിലാണ് ലോക്സഭാ തെരഞ്ഞെടുപ്പ് ഫലം ലൈവായി കാണാനുളള സൗകര്യം ഒരുക്കുന്നത്. 99 രൂപയാണ് ടിക്കറ്റ് നിരക്ക്.