മണിപ്പൂർ കലാപം; ഒരു ദിവസത്തെ നിയമസഭാ സമ്മേളനം ഇന്ന് ചേരും, പ്രഹസനമെന്ന് കോൺഗ്രസ്, പ്രതിപക്ഷ പ്രതിഷേധം

ഒരു ദിവസം മാത്രം സമ്മേളനം ചേരുന്നത് പ്രഹസനമെന്ന് കോൺഗ്രസ് ആരോപിച്ചിട്ടുണ്ട്. 

ഇംഫാൽ : മണിപ്പൂർ കലാപവും സംസ്ഥാനത്തെ സ്ഥിതിഗതികളും ചർച്ച ചെയ്യാൻ ഒരു ദിവസത്തെ നിയമസഭാ സമ്മേളനം ഇന്ന് ചേരും. സമ്മേളനം പ്രതിപക്ഷ പ്രതിഷേധത്താൽ പ്രക്ഷുബ്ധമാകാനാണ് സാധ്യത. മലയോര മേഖലകൾക്ക് സ്വയംഭരണ അവകാശം നൽകാമെന്ന് മണിപ്പൂർ സർക്കാർ കേന്ദ്രത്തെ നിലപാട് അറിയിച്ചിരുന്നു. ഒരു ദിവസം മാത്രം സമ്മേളനം ചേരുന്നത് പ്രഹസനമെന്ന് കോൺഗ്രസ് ആരോപിച്ചിട്ടുണ്ട്. 

നിലവിലെ സാഹചര്യത്തെ കുറിച്ച് മണിപ്പൂർ മുഖ്യമന്ത്രിയുടെ പ്രസ്താവനയും ഇന്ന് ഉണ്ടാകും. അതേ സമയം ബിജെപി എംഎൽഎ മാർ ഉൾപ്പെടെയുള്ള പത്ത് കുക്കി എംഎൽഎമാർ സമ്മേളനം ബഹിഷ്ക്കരിക്കും. ഗോത്ര വിഭാഗത്തിൻ്റെ വികാരം കണക്കിലെടുക്കാതെ സമ്മേളനവുമായി മുന്നോട്ട് പോകുന്ന നടപടിയിൽ പ്രതിഷേധിച്ചാണ് ബഹിഷ്ക്കരണമെന്ന് എംഎൽഎമാർ പറഞ്ഞു.